14.11.2024 ● 15:46
14.11.2024 ● 15:38
14.11.2024 ● 15:01
14.11.2024 ● 11:18
14.11.2024 ● 04:26
13.11.2024 ● 19:29
13.11.2024 ● 17:14
13.11.2024 ● 17:00
Տղամարդը, որի պատճառով Թրամփը դադարեցրել էր ասուլիսը և հեռացել դահլիճից, հոգեկան խանգարում ունի և Գաղտնի ծառայության աշխատակիցների վրա էր «հարձակվել» սանրով (տեսանյութ)
Տղամարդը, որի պատճառով ԱՄՆ նախագահ Դոնալդ Թրամփը դադարեցրել էր օգոստոսի սկզբին հրավիրած ասուլիսը և հեռացել դահլիճից, հոգեկան խանգարում ունի և Սպիտակ տան մոտ Գաղտնի ծառայության աշխատակիցների վրա էր «հարձակվել» սանրով, գրում է Daily Mail-ը:
Հաղորդվում է, որ 51-ամյա Մայրոն Բերիմանն այժմ տեղափոխվել է հոգեբուժարան, նա ոչինչ չի հիշում այդ օրը տեղի ունեցած դեպքերից:
Նշվում է, որ տղամարդը տառապում է հոգեկան խանգարմամբ:
Նա Գաղտնի ծառայության աշխատակիցներին հայտնել էր իր մոտ զենքի առկայության մասին: Երբ նա ձեռքը գրպանն էր տարել, այնտեղից ինչ-որ իր էր ընկել գետնին, Անվտանգության աշխատակիցներն էլ սկսել էին կրակել: Ավելի ուշ պարզվել է, որ գետնին ընկած իրը սովորական սանր է եղել:
Օգոստոսի 10-ին ԱՄՆ նախագահ Դոնալդ Թրամփի անվտանգության ծառայությունը նրան անսպասելիորեն դուրս էր հանել մամուլի ասուլիսի սրահից՝ Սպիտակ տան մոտակայքում հնչած կրակոցների պատճառով:
Մամուլի ասուլիսից դուրս գալուց րոպեներ անց ԱՄՆ նախագահը վերադարձել էր և տեղեկացրել, որ իր դուրս գալու պատճառը Սպիտակ տան մոտ հնչած կրակոցներն են եղել:
«Կրակոցներ են եղել Սպիտակ տան մոտակայքում, բայց պարսպից այն կողմ»,-ասել էր Թրամփը:
ԱՄՆ նախագահը նշել էր, որ կրակողը մեկն է եղել, նա վիրավորվել է Գաղտնի ծառայության աշխատակիցների կողմից բացված կրակի հետևանքով, այժմ նրան հիվանդանոց են տանում: