Բելառուսի մայրաքաղաք Մինսկում օգոստոսի 17-ին իրականացված բողոքի ակցիաները երեկոյան ավարտվել են ձերբակալվածների պահման վայրերի շենքերի մոտ, որտեղ գտնվում են նախագահական ընտրությունների արդյունքների դեմ բողոքող մի շարք ցուցարարներ, հաղորդում է ТАСС-ը:

Նախ մի քանի հազար մարդ Մինսկի Անկախության հրապարակից շարժվել է դեպի ձերբակալվածների պահման №1 վայր՝ տեղակայված Վոլոդարսկու փողոցում, որտեղ, ընդդիմության ներկայացուցիչների պնդմամբ, պահվում է բլոգեր Սերգեյ Տիխանովսկին, որին որպես նախագահական ընտրությունների թեկնածու չգրանցելուց հետո առաջադրվել էր նրա կինը՝ Սվետլանա Տիխանովսկայան:

Ցուցարարները պահանջել են ազատ արձակել ինչպես նրան, այնպես էլ ձերբակալված ցուցարարներին:

Բացի այդ, մի շարք քաղաքացիներ Օկրեստինա փողոցում տեղակայված օպերատիվ ճամբարում կամավորները իրավաբանական օգնություն են ցուցաբերում այդտեղ այցելողներին, ջուր են բաժանում և պատրաստ են անհրաժեշտության դեպքում առաջին բուժօգնություն ցուցաբերել:

Աղբյուրը՝ tert.am