Գյումրիում գտնվող «Համբույր»  հրուշակեղենի արտադրամասը գործում է 2003 թ-ից: Ձեռնարկության տնօրենը այսօր հայտարարեց, որ որոշում է  կայացրել այլևս չաշխատել Հայաստանում  եւ բիզնեսը տեղափոխել արտերկիր՝ մասնավորապես հարևան Վրաստան: Մուշեղ Մինասյանը ներկայացրեց այն խնդիրները, որոնց պատճառով որոշում է կայացրել գնալ այդ քայլին:

«Հայաստանում արտադրություն ծավալել  հնարավոր չէ :Գնալու եմ Թբիլիսի քաղաք: Արդեն նախնական պայմանավորվածությունը կա այնտեղ տեղափոխվելու համար: Իրանք շատ ճիշտ քաղաքականություն են վարում: Հասկացել են, որ երկրի պահող օղակը մարդն է: Ի տարբերություն մեր երկրի՝  այնտեղ դա հասկանում են։  Ինչ վերաբերվում է  հարկային քաղաքականությանը, էնտեղ օրենքի կայունություն կա: Բիզնեսի զարգացման համար կայունությունն է հարկավոր: Թեկուզ բարձր հարկեր լինեն, բայց գիտես, որ էդքան էս վճարելու»:

10-ամյա գործունեության ընթացքում գործարարը համոզվել է, որ իր բիզնեսը այնտեղ շատ ավելի շահութաբեր է լինելու , քան Հայաստանում:

«Էնտեղ մոնոպոլիայի խնդիր չկա, կոռուպցիոն հարցեր չեն ծագում: Երկար կարող եմ թվարկել առավելությունները»,- ասում է  արտադրամասի տնօրենը:

Նշենք նաև, որ արտադրամասի աշխատակիցները ևս հետևելու են իրենց ղեկավարի օրինակին, և նրա հետ միասին , ընտանիքներով տեղափոխվելու են Վրաստան:

Գյումրի