ԱԺ ՀՀԿ խմբակցության պատգամավոր Գագիկ Մելիքյանը կարծում է, որ Ստեփանակերտ–Երևան չվերթի իրականացումը բավական խելացի քայլ է, և դա կապահովի ԼՂՀ անկախությունը։ Այս համատեքստում նա ճիշտ է համարել նախագահ Սերժ Սարգսյանի այն հայտարարությունը, թե առաջին չվերթին ինքը՝ նախագահն է լինելու առաջին ուղևորը։

–Այն խոսակցությունները, որ կապված են չվերթը հետաձգելու հետ, կարծում եմ՝ դրանք ընդամենը տեխնիկական բնույթ ունեն, և առաջիկայում դրանք լուծելուց հետ չվերթներն անմիջապես կիրականացվեն։ Դա մեր արտաքին քաղաքականության համար շատ լուրջ քայլ է,– ասել է նա։

Նա ընդգծել է, որ այդ քայլն այնքան լուրջ է, որ նույնիսկ ԵԽԽՎ նախագահ Չավուշօղլուն է անդրադարձել այդ հարցին.

–Մևլութ էֆենդին իրեն երբեք չպատկերացրեց այդ պաշտոնում՝ որպես ԵԽԽՎ նախագահ։ Նա իրեն միշտ համարում է ադրբեջանական կամ թուրքական լոբբիի ներկայացուցիչ ԵԽԽվ–ում և ցանկանում է ընդամենը իրականացնել վերջիններիս նպատակները։ Հայտարարում է, թե ինքն այդ հարցով անպայման առաջարկությունը ստանալու դեպքում քննարկումներ կնախաձեռնի ԵԽԽՎ–ում։ Կարծում եմ, որ այդ քննարկումներն ընդհանրապես իր իրավունքներից դուրս են, և ինքը քաղավիացիայի պաշտոնյա չէ,–ընդգծել է Գ. Մելիքյանը։

7or.am