ԱԺ պատգամավոր, ՀՀԿ–ական Ռաֆիկ Պետրոսյանի համոզմամբ՝ այսօր ՀԱԿ հանրահավաքից հետո որևէ արտառոց բան տեղի չի ունենա։

–Անցած անգամ էլ մեծաքանակ ժողովուրդ կար, բայց որևէ էքսցես տեղի չունեցավ, որովհետև և՛ ոստիականությունն է արդեն սովորել քաղաքակիրթ ձևով հսկելու, չխանգարելու, անտեղի դիտողություններ չանելու, և՛ նաև ընդդիմությունը սովորել է քաղաքակիրթ ձևով անցկացնել։ Ինձ թվում է՝ ոչ մի արտառոց բան չի կարող լինել,–«7օր»-ին ասել է Ռ. Պետրոսյանը։

Ինչ վերաբերում է մարտի 17–ի ՀԱԿ հանրահավաքի ժամանակ Լևոն Տեր–Պետրոսյանի հնչեցրած հայտարարությանը, թե Ազատության հրապարակ ցուցարարների մուտք գործելն իշխանություն-հասարակություն կայացած քաղաքական գործարք է, Ռ. Պետրոսյանի խոսքերով՝ հնարավոր չէ Լևոն Տեր–Պետրոսյանի հետ գործարքի մեջ մտնել։

–Նրանք միայն իշխանություն են ուզում, ո՞նց կարող են իշխանությունների հետ գործարքի մեջ մտնել,–պնդել է ՀՀԿ–ական պատգամավորը։

7or.am