Լրագրողների հետ հանդիպման ժամանակ պատասխանելով հարցին, թե հաշվի  առնելով մեր երկրի տնտեսական ծանր  վիճակը՝ ինչպե՞ս է գնահատում «Տաշիր–2011» մրցանակաբաշխության ժամանակ տեղ գտած այդ ճոխությունները՝ բնակարաններ ու մեքենաներ  նվիրելու առումով, ԲՀԿ խմբակցության անդամ Վարդան Բոստանջյանն ասել է, թե մարդիկ օտար երկրում գործունեություն են ծավալում և կարող են նաև նման ճոխություն թույլ տալ։

–Չեմ կարծում, թե մենք այդ ճոխությունները պետք է մատի փաթաթան դարձնենք։ Վատ է, լավ է, բայց հասկանալի է։ Մի երկու–երեք արվեստի գործիչներ են ստացել, էլի՛,–ընդգծել  է նա։

Հարցին, թե հայ արվեստն ու Քսենյա Սոբչակն ի՞նչ  կապ ունեն իրար հետ, Վարդան Բոստանջյանն ասել է՝ թող մեջտեղն էլ մի Քսենյա լինի, էլի՛, ի՞նչ է եղել, որ։

–Ամեն դեպքում, այս մարդիկ մեր հայ իրականության համար մեր  վարականիշը բարձր են պահում։ Մի փոքր նվերների ինստիտուտ էլ թող լինի՝  այդ թվում մեքենա  և տուն։ Էլի հայկական չկամեցողությունը՝ մի հատ տուն ունի, խի՞  էլի տվեցին,–ընդգծել է նա։

7or.am