Նիդեռլանդների մայրաքաղաք Ամստերդամի ջրանցքներից մեկում ջրասուզորդները վարժանքների ժամանակ հայտնաբերել են 1987 թվականի արտադրության Ferrari Mondial մեքենա: Պարզվել է, որ այս մեքենան առևանգվել է 30 տարի առաջ, գրում է The Drive-ը:

Ջրի հատակից սպորտային մեքենան բարձրացնելու համար ոստիկանները ստիպված են եղել դիմել Պաշտպանության նախարարությանը, որն անհրաժեշտ տեխնիկա ունի:

Իրավապահները VIN-համարի միջոցով պարզել են, որ Ferrari-ն առևանգվել է 30 տարի առաջ: Գործն արդեն փակվել է, իսկ ապահովագրական ընկերությունը փոխհատուցել է վնասը մեքենայի սեփականատիրոջը: Երեսուն տարի ջրի հատակին մնացած մեքենայի մեջ ոչ մի հետք կամ ապացույց չի մնացել, այդ իսկ պատճառով նոր գործ չի հարուցվել:

Նշվում է, որ Ամստերդամի բնակիչներն առաջարկել են մեքենան չուղարկել աղբանոց, այլ տեղի կենդանաբանական այգու ակվարիումի մեջ դնել՝ որպես զարդարանք:

Աղբյուրը՝ tert.am