ԵԱՀԿ երևանյանգրասենյակի ղեկավար

Պարոն Ս.Կապինոսին

Հարգելի  պարոն  Դեսպան,

Ձեր  նախաձեռնությամբ  և  մասնակցությամբ  երեկվա  «հակակոռուպցիոն» միջոցառումից   կարելի  է  հասկանալ, որ  ԵԱՀԿ երևանյանգրասենյակը  շարունակում  է  նույնացնել  կոռուպցիան  և  կաշառակերությունը, ինչն, իր  հերթին,  շարունակում  է խոչընդոտել  մեր  երկրում  կոռուպցիայի  դեմ  արդյունավետ  պայքարին:    Թերևս, դա  է  պատճառը, որ  Հայաստանյան  կոռուպցիան  վաղուց թևակոխել  է  կլեպտոկրատիայի  շրջան, որի  դրսևորումների  մասին, առնվազն  մենք,  պարբերաբար  տեղեկացնում  ենք  Ձեզ, մասնավորապես  ԲՈՒՀ-երի  առնչությամբ, այն  է`

1. սահմանադրական  կարգի  խախտմամբ, պետական  ԲՈՒՀ-երի  խորհուրդների  ղեկավարների  պաշտոններ  ստանձնած  պետության  ղեկավարների  մասին, այդ  թվում, որ  պետության  1-ին  և 2-րդ  դեմքերը  հանդիսանում  են  3-րդի  ներկայացուցիչներն  այդ  խորհուրդներում,

2. պետական միջոցների  օգտագործման  մասին,  ի  շահ  իշխող  քաղաքական  ուժի,  որին  մասնակցում  են  նաև  կառավարության  ղեկավարը  և  համապատասխան նախարարը,

3. իշխող  քաղաքական  ուժի  կողմից  ուսանողական  խորհուրդներին, ըստ  էության, կուսակցական  գործունեության  մեջ  ներքաշելու  մասին,

4. զինվորական  ծառայություն  չանցած  կրթության և  գիտության նախարարի  մասին և այլն:

Այսինքն, խոսքը  գնում  է  կոռուպցիայի  բուն  էության` պաշտոնեական դիրքի  չարաշահման  մասին, այն  էլ` «վերևների»  կողմից, որին Դուք,  ընդհանրապես,  չեք  անդրադառնում:   Եվ, դա  մեր  երկրի  հասարակական  կյանքի  բոլոր  բնագավառներում:

Այս  պայմաններում, ԶԼՄ-ների  տարածած  երեկվա  Ձեր  ելույթում  արված  հերթապահ կոչերը,  ոչ  թե  հակակոռուպցիոն  են, այլ, ճիշտ  հակառակը`  անթաքույց  խթանում  են, կոռուպցիոն  տրամադրություններ:

Փորձե'ք, գոնե, պարզել, թե  որքանով  են համապատասխանում  ԵԱՀԿ  չափանիշներին  ՀՀ  պետական ԲՈՒՀ-երի  խորհուրդների  ձևավորումը: Չէ որ, դա  է, առնվազն,   Ձեր  առաքելության  նպատակը` նպաստել  մեր  երկրում  ժողովրդավարական  ինստիտուտների զարգացմանը  ԵԱՀԿ  չափանիշների  ներքո:   Ձեր  նախորդը, գոնե  մեկ-մեկ, համարժեք  պոռթկումներ  էր  ունենում: Իսկ, Դուք…

Վերջապես, մի՛ մոռացեք, որ  ոչ  թե  մեր  «ռազմավարական  գործընկերոջ», այլ`  եվրոպական  կառույցի  ներկայացուցիչն  եք  Հայաստանում…

Ի դեպ` ինչի  համար  վարձատրվում  եք, այդ  թվում, մեր  հասարակության կողմից: