Ռուսաստանի վարչապետ Միխայիլ Միշուստինը հույս է հայտնել, որ Ռուսաստանում աշնանը կորոնավիրուսի դեմ պատվաստանյութ կստեղծվի, հայտնում է ՏԱՍՍ-ը:

«Այս պահին մեր բոլոր հետազոտական ​​հաստատություններում պատվաստանյութի ստեղծման ուղղությամբ լուրջ աշխատանքներ են տարվում: Դրանով զբաղվում է կրթության և գիտության նախարարությունը, առողջապահության նախարարությունը, Կենսաբժշկական դաշնային գործակալությունը, «Ռոսպոտրեբնադզոր»-ը, այս պահի դրությամբ՝ 17 կազմակերպություն և 26-ից ավելի տեսակի պատվաստանյութ: «Ռոսպոտրեբնադզոր»-ի հաղորդմամբ՝ այսօրվա դրությամբ 4 պատվաստանյութ ապացուցել է իր անվտանգ լինելը, և երկու պատվաստանյութի կլինիկական փորձարկումներն ավարտական ​​փուլում են. դա Գամալեայի և Պաշտպանության նախարարության կենտրոնն է: Երկուսը պատրաստվում են փորձարկումների մեկնարկին. դա է «Վեկտորն» է և պատվաստանյութերի և շիճուկների գիտահետազոտական ​​ինստիտուտն է»,-հայտնել է վարչապետը՝ չորեքշաբթի օրը Պետդումայում ներկայացնելով կառավարության գործունեության վերաբերյալ զեկույցը։

«Ամենակարևորն արտադրական հարթակների նախապատրաստումն է՝ համոզվելու համար, որ պատվաստանյութերն անվտանգ են, և ես հույս ունեմ, որ աշնանը մենք կստանանք մեր հուսալի ռուսական պատվաստանյութը կորոնավիրուսի դեմ»,- հավելել է Միշուստինը:

Աղբյուրը՝ news.am