«Rai News» հեռուստաալիքը հաղորդում է, որ «Ռուբիի գործով» դատավարության նոր նիստը տեղի կունենա մասյիսի 31–ին։ Դրա համաձայն՝ Իտալիայի վարչապետ Սիլվիո Բեռլուսկոնին մեղադրվում է դեռահասների մարմնավաճառության մեջ մասնակցություն ունենալու գործում։

«ՌԻԱ նովոստի»–ն գրում է, որ Իտալիայի վարչապետի նկատմամբ առաջին դատավարությունը կայացել էր Միլանի դատարանում այսօր առավոտյան առանց Բեռլուսկոնիի մասնակցությամբ։

Դատավարության նիստին ներկա չի գտնվել և մարոկուհի Կարիմա էլ–Մարուգը՝ Ռուբի մականվամբ, ում մասնակցությունը Բեռլուսկոնիի՝ Միլանի մոտ գտնվող հայտնի վիլլայում տեղի ունեցած երեկույթին այս գործի հարուցման պատճառներից մեկն է հանդիսացել։

Քննիչների տվյալների համաձայն՝ Իտալիայի վարչապետը աղջկա հետ սեռական կապ է ունեցել, երբ նրա 18 տարին դեռևս չէր լրացել, իսկ դրա համար նա ստացել էր նվերներ ու գումարային պարգևատրում։ Աղջիկը այս գործընթացում հանդես է գալիս որպես ականատես՝ ինչպես մեղադրող, այնպես էլ պաշտպանվող կողմի կողմից։