Հաղորդվում է, որ խողովակաշարն անցկացված է մայրաքաղաքի ծայրամասում գտնվող ավտոմայրուղու երկայնքով, և խողովակից հոսող նավթը բռնկվել է երթևեկող մեքենաների պատճառով, հայտնել է երկրի նավթի նախարարությունը:

Իշխանությունները չեն հաղորդել, թե ինչու է խողովակաշարը, որը գտնվում է 1,5 մետր խորության վրա, սկսել արտահոսել։

Նավթի նախարարության ներկայացուցիչ Համդի Աբդ Էլ Ազիզը տեղական հեռուստատեսությանը հայտնել է, որ արտահոսքի հայտնաբերումից հետո համապատասխան մարմինները շրջափակել են խողովակաշարը և ճանապարհը, սակայն վարորդներն անցել են նավթախողովակի կողքով, և մեքենաների կայծը, հավանաբար, հրդեհ է առաջացրել:

Նա նաև հրաժարվել է հայտնել, թե ինչպես է վնասվել ստորգետնյա խողովակաշարը՝ նշելով, որ դեպքի վերաբերյալ մանրամասները կպարզի միջադեպը հետաքննող հանձնաժողովը։

Վիրավորների վիճակի մասին տեղեկություններ դեռևս չկան, հաղորդվում է, որ պատահարի հետևանքով վնասվել է 31 մեքենա։

Աղբյուրը՝ tert.am