Գնդակոծությունն իրականացվում է խաղաղ բնակավայրերի անմիջական հարևանությամբ. ՄԻՊ

● Կարծիք

13.07.2020 ● 10:54

Գնդակոծությունն իրականացվում է խաղաղ բնակավայրերի անմիջական հարևանությամբ. ՄԻՊ

Հայաստանի Հանրապետության Տավուշի մարզի Մովսես և մի շարք այլ գյուղերի բնակիչներից Մարդու իրավունքների պաշտպանի աշխատակազմ են ստացվում ահազանգեր այն մասին, որ ադրբեջանական զինված ուժերը հուլիսի 12-ին՝ ժամը 23-ի սահմաններում սկսել են գնդակոծություն Տավուշի մարզի ուղղությամբ: Մարդու իրավունքների պաշտպանի աշխատակազմը նույնատիպ ահազանգեր է ստացել նաև հուլիսի 12-ին՝ ցերեկային ժամերին:

Ըստ Մովսես գյուղի բնակիչների Մարդու իրավունքների պաշտպանին ուղղված ահազանգերի՝ ադրբեջանական կողմից կրակոցներն արձակվում են գյուղին շատ մոտ հեռավորությամբ: Խաղաղ բնակչության գնահատմամբ՝ գնդակոծությունն իրականացվում է այնպիսի եղանակով, որ իրական է դարձնում քաղաքացիական բնակավայրին, իրենց առողջությանն ու կյանքին, սեփականությանը վնաս պատճառելու վտանգը:

Նշված ահազանգերից անմիջապես հետո Մարդու իրավունքների պաշտպանն արձանագրել է ՀՀ պաշտպանության նախարարության հրապարակային պաշտոնական հաղորդագրությունն այն մասին, որ ադրբեջանական կողմն իրականացնում է Հայաստանի զինված ուժերի դիրքերի հրետակոծում: Դրանից բացի, Հայաստանի պաշտպանության նախարարությունը Մարդու իրավունքների պաշտպանի պաշտոնական հրատապ հարցմամբ հաստատել է, որ գնդակոծությունն իրականացվում է Հայաստանի Հանրապետության Տավուշի մարզի խաղաղ բնակավայրերի անմիջական հարևանությամբ և առկա է այդ բնակավայրերին վնաս պատճառելու իրական վտանգ: Մարդու իրավունքների պաշտպանի աշխատակազմը պահպանում է նաև անմիջական կապ Հայաստանի Տավուշի մարզի սահմանապահ գյուղերի բնակիչների և համայնքների վարչական մարմինների հետ։

Մարդու իրավունքների պաշտպանը, լինելով մարդու իրավունքների ազգային անկախ հաստատություն և առաջնորդվելով բացառապես իրավապաշտպան սկզբունքներով, խստորեն դատապարտում է գնդակոծությունը ու որ այն էլ իրականացվում է Հայաստանի Հանրապետության խաղաղ բնակավայրերի անմիջական հարևանությամբ, այդ բնակավայրերի բնակիչներին, նրանց առողջությանն ու կյանքին, սեփականությանը վնաս պատճառելու իրական վտանգով: Այս երևույթն առավել ևս դատապարտելի է նոր տեսակի կորոնավիրուսի (COVID-19) համաճարակի պայմաններում:

Մարդու իրավունքների պաշտպանը հրավիրում է մարդու իրավունքների միջազգային կազմակերպությունների ուշադրությունը նշված փաստերին և տեղեկացնում, որ նախաձեռնել է թիրախային դիտարկում, որի արդյունքները սահմանված կարգով կամփոփվեն ու կուղարկվեն միջազգային կառույցներին:

Մարդու իրավունքների պաշտպան

Արման Թաթոյանի ֆեյսբուքյան էջից

● Այս խորագրի վերջին նյութերը

Կարմիր կետագծերի համար մոտ 500 մլն դրամ տուգանվել են մեր հայրենակիցները

25.11.2024 ● 11:12

Մոտ 1,5 մլրդ էլ վճարել են կարմիր կետագծերի համար։ Բայց իրականում ոչ մի բեռնաթափում էլ տեղի չի ունեցել։

«Մայր Հայաստան»-ն առաջարկում է ուղեվարձի հետևյալ փաթեթները

25.11.2024 ● 10:33

Երևանում տրանսպորտի ուղեվարձը չպե՛տք է գերազանցի 100 դրամը, իսկ եթե քաղաքացին տրանսպորտից օգտվում է օրական 4 անգամից ավելի, ապա՝ 100 դրամից էլ ավելի էժան։

Գործող թյուրիմացությունն Արցախը սպանել է, բանակը սպանել է, խորհրդանիշները սպանել է, պատմությունը սպանում է

23.11.2024 ● 11:21

Նման է այն տղային, ով ծնողներին սպանել է և դատավարության ժամանակ խնդրում է իրեն մեղմ դատեն, որովհետև որբ տղա է։

Հայկական ամոթ. պետության ղեկին Նիկոլի պես ղեկավար ունենալը տիեզերական մասշտաբի խայտառակություն է․ Անդրանիկ Թևանյան

23.11.2024 ● 11:15

Նա կհեռացվի, բայց խայտառակության կնիքը դեռ երկար կմնա մեր երկրի ու հայ ժողովրդի վրա։

Երևանցիները միանում են տրանսպորտի թանկացման դեմ ստորագրահավաքին

23.11.2024 ● 08:52

Ստորացուցիչ այս տրանսպորտը արդեն 3 անգամ թանկ է լինելու, տրոլեյբուսը` 6 անգամ թանկ, բայց տոնական լույսերի վրա գումար չի խնայվում։

Սա տգիտությունից բացի նաև ստորություն է. Լևոն Քոչարյանը՝ Փաշինյանի հայտարարության մասին

23.11.2024 ● 07:27

1.5 միլիոն հայեր ցեղասպանվել են ու շատերն էլ աքսորվել իրենց տներից, քաղաքներից՝ այնտեղ թողնելով ամեն ինչ՝ ներառյալ մշակութային ժառանգությունը:

Քանդում են քաղաքացու սեփականությունը․ ահազանգ (տեսանյութ)

Ահա այսպիսի տրանսպորտն են ուզում թանկացնել (տեսանյութ)

Կարմիր կետագծերի համար մոտ 500 մլն դրամ տուգանվել են մեր հայրենակիցները

● Կարծիք