Վրաստանի դիրքն «Անձնագրերի ինդեքսում» (Passportindex.org), որը կազմել է Arton Capital վերլուծական ընկերությունը, բարելավվել է:

Պորտալի տվյալներով՝ կորոնավիրուսի համավարակի պայմաններում Վրաստանի քաղաքացիները կարող են 57 երկիր այցելել առանց մուտքի արտոնագրի, իսկ ևս 35 երկրում կարող են արտոնագիր ստանալ ժամանելուն պես:

Այդպիսով, Վրաստանի քաղաքացիների շարժունակության ինդեքսը գնահատվել է 92 միավորով, իսկ անհատական վարկանիշով երկիրը 47-րդ տեղում է:

Հայաստանը վարկանշային ցանկում զբաղեցրել է 135-րդ հորիզոնականը: Առանց մուտքի արտոնագրի ՀՀ քաղաքացիները կարող են այցելել 20 երկիր, 32 երկրում ատոնագիր կստանան ժամանելուն պես: Եվս 146 երկիր այցելելու համար մուտքի արտոնագիր է պետք: Մեր քաղաքացիների շարժունակության ինդեքսը գնահատվում է 52 միավոր:

Վարկանշային ցանկի առաջատարներն են Ճապոնիան, Նոր Զելանդիան, Ֆինլանդիան, Ավստրիան, Լյուքսեմբուրգը:

Ռուսաստանը աղյուսակում զբաղեցրել է 59-րդ հորիզոնականը, հարևան Ադրբեջանը՝ 123-րդ, Թուրքիան՝ 56-րդ, Իրանը՝ 194-րդ:

Աղբյուրը՝ tert.am