Լրագրողների հետ հանդիպման ժամանակ կառավարման փորձագետ Հարություն Մեսրոբյանը հայտարարել է, թե ինչպես և անցած  տարի, այս տարի էլ ՀՀ կառավարության կողմից ասվում է, որ տարվա երկրորդ կեսին սպասվում է դեֆլացիա:

–Վարչապետի կողմից ենթադրվում է, որ  այս տարվա սղաճը լինելու է  6%, Եվրոպական զարգացման բանկի կողմից կրկնվում է բյուջեում ամրագրված թիվը` 4%  գումարած- հանած 1,5%։ Միջազգային արժութային հիմնադրամն ասում է 4,6%: Եթե դուք նայեք այդ սպասումները, ապա դրանք  բավականին համընկում են անցած տարվա սպասումներին,–ընդգծել  է նա:

Անդրադառնալավ Ազգային վիճակագրական ծառայության կատարած հաշվարկներին ու գրանցած գնաճին՝ 5,2%, Հարություն Մեսրոբյանն ասել է, թե այնտեղ կիրառվող մեթոդաբանությունը թույլ է տալիս գրանցել այն թիվն, ինչը որ կառավարությունը կպատվիրի։

–Մեթոդաբանությունը հետևյալն է. 2005թ. վերցվել է 470 ապրանք , որի հիման վրա սկսվել է հաշվարկվել սղաճը և ապրանքները  պետք է հինգ տարին մեկ փոխել: Ինչն է հետաքրքիր այդ սղաճի ցուցակի հաշվարկման մեջ, օրինակ` կա կոմպակտ դիսկեր, վիդեո, տեսաձայնագրիչներ և այլն: Այսինքն` ստացվում է, որ կախված նրանից, թե ինչ ապրանքներ եք նայում և այդ ապրանքներին ինչ տեսակարար կշիռ եք տալիս, դուք կարող եք ապացուցել, որ Հայաստանում տարեկան սղաճը 0,1% է և կարող եք ուրիշ ապրանքներ վերցնել և ցույց տալ, որ այն 99% է,–ընդգծել  է նա:

Ընդ որում, ասուլիսին ներկա Ազգային վիճակագրական ծառայության գների վիճակագրության և միջազգային համադրումների բաժնի պետ Գուրգեն Մարտիրոսյանը հավաստել է, որ նման հնարավորություն մեթոդաբանությունը թույլ է տալիս։

Հարություն Մեսրոբյանը պնդել է, որ  քանի որ  Հայաստանում գնալով աճում է աղքատության շեմից ներքև գտնվողեիերի թիվը (2008թ այն կազմեկլ է՝ բնակչության  23%–ը, իսկ 2010թ.–ին 34,1%–ը), որոնք գումարը ծախսում են միայն սննդամթերքի՝ ընդ որում առաջին անհարաժեշտության և կոմունալ վճարումների վրա, ապա գանճը հաշվարկելու համար ոչ թե 470 ապրանք պետք է գրանցվի, այլ շատ քիչ՝ հացամթերք, կարտոֆիլ շաքարավազ և այլն։

–1,1 մլն մարդ աղքատ է և չի գնում, օրինակ այդ ջահերը, որոնք կան հաշավրկվող պարանքների թվում, տեխնիկան կամ, ասենք, մթերքներից վիչինա և այլն։ Ես շատ հասարակ բան եմ ասում։ Ցանկացած մարդ կարող է վերցնել ու հաշավարկել, թե, օրինակ, շաքրաավազը, հացը, կարտոֆիլը որքան է թանկացել, գուամարային հաշավրկ անել և տեսնել, որ ամենախոցելին աղքատների շերտն է, որի համար գնաճը կազմում է շուրջ 25%,–ընդգծել է նա։

Գուրգեն Մարտիրոսյանն էլ ասել է, թե կառավարույթունը Ազգային վիճակագրական ծառայությունից պահանջում է հաշվարկել գնաճը ոչ թե առանձին սոցիալական խմբերի համար, այլ մեկ ընդհանուր թիվ։

–Եթե կառավարությունը ուզենար առանձին խմբերի տվյալաները, նոր մենք այդ ժամանակ կհաշվարկեինք,–ասել է նա։

–Բայց չէ՞ որ ՀՀ Սահմանադրությամբ ամրագարված է, որ  Հայաստանը սոցիալական երկիր է և հետապնդում է մարդու  սոցիալական շահերի պաշտպանություն։ Ինքնին դա արդեն իսկ  վկայում է այն մասին, որ առաջին հերթին պետք է պաշտպանել սոցիալապես անապահով խավի համար խնդիրները, իսկ դրա համր պետք են տվյալներ։ Ընդ որում այդ սոցիալապես անապահով շերտն էլ  բավականին մեծ տոկոս է կազմումծ և գնալով այդ թիվը մեծանում է, –հակադարաձել է Հարություն Մեսոբյանը։

Պատրաստեց Հեղինե Հարությունյանը