«Փաստ» թերթի հետ զրույցում մի քանի գործարարներ, մասնավորաբար ՓՄՁ ոլորտի տարբեր ներկայացուցիչներ նշել են, որ իրենց մատուցած ծառայություններն այլևս չեն արդարացնում իրենց, ավելին՝ իրենք գրեթե գտնվում են սնանկացման եզրին։

Ձեռներեցներն աշխատանքից չեն ազատել իրենց աշխատակիցներին՝ հասկանալով ստեղծված էքստրեմալ պայմանները, սակայն իրենց բիզնեսը գրեթե ամբողջովին հայտնվել է փակման եզրին, մարդիկ այսօր անգամ վարձակալության և հարկային պարտականություններն իրականացնելու խնդիր ունեն, իսկ հակաճգնաժամային միջոցառումները որևէ արդյունք չեն տալիս, որևէ նպատակայնություն չունեն։

Ի դեպ, մեր ունեցած տեղեկություններով՝ նույնիսկ սննդամթերքի վաճառքով զբաղվող խանութներում ու սուպերմարկետներում առևտուրը կրճատվել է մոտ 60-70 տոկոսով։ Սեփականատերերը դժգոհում են, որ հիմնականում վաճառվում են առաջին անհրաժեշտության ապրանքներ:

Շղթայական ռեակցիայով, բնականաբար, նույն վիճակն է սննդամթերք արտադրողների մոտ: Բնականաբար, առավել տուժած հայտնի ոլորտների մասին խոսելն ավելորդ է:

Իսկ ահա, որպես օրինակ, արագ սննդի հայտնի ցանցերից մեկի պարագայում տեղեկություն ունենք, որ իր կետերից յուրաքանչյուրը ժամանակին ունենում էր միջինը 800-900 հազար դրամի շրջանառություն, իսկ հիմա՝ հազիվ 200-300 հազարի»,-գրում է թերթը:

Նյութն ամբողջությամբ կարդացեք թերթի այսօրվա համարում: