Հանրային ռադիոյի լրատվության բաժնի ղեկավար Կարեն Բեքարյանը ավելի բարձր պաշտոնի կնշանակվի։ Նա նշանակվելու է ՀՀ նախագահի հանրային կապերի և տեղեկատվական կենտրոնի նոր ձևավորված արտաքին բաժնի պատասխանատու։ Կենտրոնը, որի ղեկավարն Արա Սաղաթելյանն է, կունենա նաև ներքին և տնտեսական բաժիններ։

Նոր նշանակման մասին լուրը «7օր»–ի հետ զրույցում Կարեն Բեքարյանը հաստատել է՝ նշելով, թե հավանաբար իր նոր պարտականությանը կանցնի ապրիլի 1–ից։

Թե ո՞վ է նրան փոխարինելու Հանրային ռադիոյի լրատվության բաժնի ղեկավարի պաշտոնում, Կարեն Բեքարյանը «7օր»–ին ասել է, որ պարզ կլինի երկուշաբթի օրը։ Բեքարյանը չի հերքել, որ լսել է, թե Հանրային ռադիոյի լրատվության բաժնի ղեկավար է նշանակվելու «ԱՐ» և «ՀայTV»  հեռուստաընկերությունների լրատվական ծրագրերի նախկին զեկավար Հռիփսիմե Առաքելյանը։ Այս մասին ևս հայտնի  կդառնա երկուշաբթի օրը։

7or.am