Ազատության հրապարակում արդեն 11–րդ օրը հացադուլ իրականացանող «Ժառանգություն» կուսակցության նախագահ Րաֆֆի Հովհաննիսյանին այսօր այցելել էր ԱԺ աշխատակազմի ղեկավար Գեղամ Ղարիբջանյանը։

Նա մոտեցել է և Րաֆֆի Հովհաննիսյանին հայտնել, որ ԱԺ նախագահ, ՀՀԿ խմբակցության անդամ Հովիկ Աբրահամյանը ցանկություն է հայտնել այցելել նրան։

Այս մասին լրագրողներին ասել է Րաֆֆի Հովհաննիսյանը։

–ԱԺ–ն, ըստ երևույթին, երկուշաբթի օրը ամբողջ  կոալիցիոն խմբակցությունների ներկայացուցիչների հետ պետք է գար այստեղ։ Դա ինչ–որ պատճառով չստացվեց, բայց ինձ թվում է, որ  պարոն Աբրահամյանը վեր կանգնելով իշխող կուսակցության կամ միջկուսակցական բարդույթներից՝ ինքը կգա և իր ասելիքը կասի,–ասել է նա։

Թե ո՞ր ժամաին Հովիկ Աբրահամյանը կայցելի Րաֆֆի Հովհաննիսյանին, հայտնի չէ։ Հանդիպման  բովանդակության մասին Րաֆֆի  Հովհաննիսյանը խոստացավ պատմել լրագրողներին։