Գյումրիում լրագրողների հետ հանդիպման ժամանակ «Գլենդել Հիլզ» ընկերության գլխավոր տնօրեն Վահե Ալմոյանը, հայտարարել է, որ  Գյումրիի «Մուշ 2» թաղամասում ընթացող շինարարական աշխատանքներն ընթանում են ըստ նախանշվածի և այս տարվա սեպտեմբերին դրանք ամբողջությամբ կհասցվեն ավարտին ։

Ըստ Ալմոյանի՝ այս տարվա ծրագրով կառուցվում է 38 բնակելի շենք, որոնցից 33-ը` «Մուշ 2» թաղամասում, հինգը` Անի թաղամասում: Բնակարանների ընդհանուր քանակը 1756 է, որոնցից 212-ը` Անի թաղամասում: Ինչ վերաբերում է նախորդ փուլում շինաշխատանքների արդյունքում գրանցված բացթողումներին(«7 օր»–ը բազմիցս անդրադարձել է այդ խնդրին), Վահե Ալմոյանը պատասխանել է, որ դրանք վերացվել են և այս պահի դրությամբ բացթողումները բացառվում են: «Որոշ մանր թերություններ շինարարության մեջ միշտ լինում են, բայց ներկայումս ամեն ինչ վերահսկվում է, քանի որ իրականացվում է եռաստիճան վերահսկողություն «Հայսեյսմշին»-ի, քաղաքաշինության նախարարության պետական տեսչության, մարզպետարանի ու քաղաքապետարանի հետ և տեխնիկական վերահսկող կազմակերպության կողմից»,–ասել է նա։ 7or.am

Գյումրի