Լրագրողների հետ հանդիպման ժամանակ պատասխանելով այն հարցին, թե առաջիկայում ընդդիմադիր ի՞նչ դաշինք է տեսնում՝ ՀԱԿ համակարգող Լևոն Զուրաբյանն ասել է, թե ընդդիմությունն այլևս կարելի է համարել միավորված:

–Կարծում եմ, որ բոլոր ուժերը, ովքեր ընդունում են, որ Սերժ Սարգսյանի ռեժիմը պետք է հեռանա, և պետք է անցակցվեն արտահերթ ընտրություններ, արդեն միավորված են, իսկ բոլոր նրանց համար, ովքեր  նույնպես դա կընդունեն, իրենց համար էլ դուռը բացված է,–ասել  է նա։

Ըստ Լևոն Զուրաբյանի՝ մեկ տարի առաջ միայն  ՀԱԿ–ն էր այդպիսի պահանջներ դնում, իսկ այսօր  դրա մասին շատերն են խոսում։

–Խոսում է Կարապետիչը, խոսում է «Ժառանգությունը», խոսում են այլ ուժեր։ Սա, կարծում եմ, լուրջ արդյունք է։ Ճիշտ է, պայքարի մեթոդները  տարբեր են ընտրված՝ մի ուժը պայքարում է հարյուրհազարանոց միտինգով, մի ուժը՝ ծոմապահությամբ, մյուսն էլ՝ կարմիր քարտ ցույց տալով։ Ես որևէ խնդիր  չեմ տեսնում, բոլորը ունեն իրենց պայքարի մեթոդները և այդ մեթոդների մասին իրենց պատկերացումները,–ընդգծել է ՀԱԿ համակարգողը։

7or.am