Անդրադառնալով ՀՀ վարչապետի տիկնոջ՝ Աննա Հակոբյանի զինվորական համազգեստով պետական սահմանի պահպանության տեղամաս ու մարտական դիրք այցելությանը՝ 2016 թվականի հունվարի 9-ին թշնամու գնդակից զոհված ԱՐԱՄԱՅԻՍ ՈՍԿԱՆՅԱՆԻ մայրը՝ ԱՆՈՒՇ ՀԱԿՈԲՅԱՆԸ գրում է. «Տիկի՛ն Աննա, զինվորական համազգեստը նորաձեւության հերթական պարտադրող ցուցանմուշ չէ, ոչ էլ ամենօրյա կրման արտահագուստ, այն զինվորի սուրբ կոչումն է եւ ստանձնած պատասխանատվությունը, հայրենիքի մի կտորը կտորի մեջ, այդ համազգեստով են դիրքապահ տղերքը հպարտ կանգնում դիրքում, անքուն լուսացնում, կռվում, զոհվում... ու հանձնվում հողին, ուստի՝ հորդորում եմ զերծ մնալ վերացական, շինծու հայրենասիրությունից՝ զինվորի պատիվը չօգտագործելով սեփական քմահաճ ճաշակի կառուցման մեջ»

Հիշեցնենք, որ ԱՐԱՄԱՅԻՍ ՈՍԿԱՆՅԱՆԸ 2016-ի ապրիլի 9-ին իր կրտսեր ընկերոջից տեղեկանալով լսվող կասկածելի ձայների մասին` իր պաշտպանության տակ գտնվող տարածքը հանձնել է նրան եւ գնացել դիտարկում կատարելու, որի ընթացքում էլ դիպուկահարի կողմից ստացել է մահացու վիրավորում: Նա այդպիսով փրկել է ընկերոջ եւ միաժամանակ տվյալ դիրքում գտնվող զինվորների կյանքը, քանի որ նրա զոհվելու հենց հաջորդ օրը տվյալ դիտակետի ուղղությամբ թշնամին ձեռնարկել է դիվերսիոն հարձակման փորձ եւ, 2 զոհ տալով` հետ շպրտվել: Արամայիս Ոսկանյանը Արցախի եւ ՀՀ նախագահների կողմից պարգեւատրվել է «Արիության» մեդալով:

Աղբյուրը՝ iravunk.com