«Իշխանության ներսում կասկածի որդը սկսում է գլուխ բարձրացնել։ Նիկոլ Փաշինյանը սկսել է չվստահել անգամ իր նեղ շրջապատին, որոնք նախկինում որոշակի վստահություն էին ներշնչում։

Այս թեմայով վերջերս ընդունված օրենքի առնչությամբ կառավարությունից բավական ուշագրավ տեղեկություն մեզ հայտնեցին։ Խոսքը մարդկանց «տեղորոշման» վերաբերյալ հայտնի օրենքի մասին է։ Արդեն իսկ ակնհայտ է, որ այս օրենսդրական փոփոխությամբ հնարավոր չէ վիրուսի ողնաշարը կոտրել, վկան ամեն օր վարակակիրների մեծացող թիվն է։

Սա նաև ոչ այնքան իշխանության ընդդիմախոսներին, որքան հենց իշխանության ներկայացուցիչներին հատ-հատ հետևելու, նրանց հետ շփվող մարդկանց շրջանակը պարզելու համար է։

Նիկոլ Փաշինյանի համար այս օրերին շատ կարևոր է պարզել, թե ում հետ ու ինչ «դավադիր» ծրագրեր են մշակում յուրայիները, ում հարցում կարող է վստահ լինել, ում՝ ոչ։ Ամեն վայրկյան նախկին իշխանության «մնացորդներից» սարսափող, սեփական թիմակիցներից հարվածի սպասող Փաշինյանն այս օրենքի միջոցով ևս նպատակ ունի «բացահայտելու» իր իշխանության անդամներին։

Ի դեպ, պատահական չէ, որ այս նախագիծը դժգոհության առիթ էր դարձել հենց իմքայլականների շրջանում, որովհետև նրանք էլ էին հասկանում` հայտնվելու են խոշորացույցի տակ։ Նույն աղբյուրների պնդմամբ, տհաճ իրավիճակներից խուսափելու համար կառավարության անդամները, իմքայլականները համատարած «գաղթել» են առավել ապահով կապի «զոնա», որպեսզի խուսափեն Փաշինյանի «սև ցուցակում» հայտնվելու հեռանկարից»,-գրում է թերթը:

Նյութն ամբողջությամբ կարդացեք թերթի այսօրվա համարում։