ԱՊՀ–ի 20–ամյակին նվիրված «ԱՊՀ անդամ երկրների միջազգային տնտեսական համաժողովի» նախօրեին «WOC» Կրեդիտորների միջազգային կազմակերպությունը ուսումնասիրություն է կատարել` ստուգելու համար ԱՊՀ երկրների համընդհանուր ներդրումային ներուժը` համեմատած այլ խոշորագույն առևտրատնտեսական դաշիքների հետ։ «WOC»–ի  կատարած ուսումնասիրությունները  ցույց են տվել, որ ԱՊՀ–ի համընդհանուր ՀՆԱ–ն 10 տարվա ընթացքում աճել է 6 անգամ։ Ուսումնասիրությունների արդյունքները  հրապարակվել են Մոսկվայում «20 տարի միասին. hամագործակցության փորձն ու հեռանկարները» թեմայով ԱՊՀ երկրների տնտեսական համաժողովի ժամանակ։ «WOC»–ի ուսումնասիրությունների ժամանակ ԱՊՀ ներդրումային ներուժը համեմատվել է աշխարհի 5 խոշոր առևտրատնտեսական դաշինքների հետ՝ Եվրամիության, Ասիական և Խաղաղօվկիանոսյան համաձայանգրի,  Ազատ առևտրի հյուսիսամերիկյան գոտու, Հարավամերիկյան ընդհանուր շուկայի և Պարսից ծոցի Արաբական երկրների համագործակցության խորհրդի հետ։