ՌԴ Պյատիգորսկ քաղաքում ապրիլի 9-ին անցկացված հատուկ գործողության ժամանակ ոստիկաններն ազատել են մի կնոջ ու նրա երկու անչափահաս որդիներին, որոնք պատանդ էին վերցվել կնոջ եղբոր կողմից: Այս մասին տեղեկացնում է ռուսական 5-րդ ալիքի կայքը:

Հովսեփ Մ. անունով տղամարդը Մոսկվայից գնացել էր Պյատիգորսկ` հարազատներին այցելության: Ստավրոպոլի երկրամասի նահանգապետ Վլադիմիր Վլադիմիրովը տեղեկացրել է, որ նախնական տվյալներով՝ տղամարդը հոգեկան խնդիրներ ունի և հաշվարկված է հոգենևրոլոգիական դիսպանսերում:

Բնակարանում բարիկադավորված տղամարդը պահանջել է որպես բարեգործական օգնություն 200 միլիոն դոլար փոխանցել Հայաստանին և պնդել է, որ իրեն զանգահարի ՌԴ նախագահը: Նա նաև կործանիչ է պահանջել, հայտնում է 5-րդ ալիքի կայքը:

ՌԴ Ստավրոպոլի երկրամասի քննչական կոմիտեում քրեական գործ է հարուցվել պատանդ վերցնելու մեղադրանքով:

Աղբյուրը՝ tert.am