2011 թ. մարտի 21-ից ապրիլի 28-ը տեղի կունենա «Թատրոն-X» 4-րդ հանրապետական փառատոնը՝ ՀՀ և ԼՂՀ 31 թատրոնների ու թատերախմբերի մասնակցությամբ։

Փառատոնի հանդիսավոր բացումը տեղի կունենա մարտի 21-ին Å. 17.00, Հր.Ղափլանյանի անվ. դրամատիկական թատրոնում։

Ընդունված ձևաչափի համաձայն՝ յուրաքանչյուր ներկայացումից հետո տեղի կունենան հանրային քննարկումներ։

Փառատոնի կարգախոսն է՝ «Մշակութային միասնություն, բանավեճի փառատոն»։

Ապրիլի 28-ին ժ. 18.00-ին Հովհ. Թումանյանի անվ. պետական տիկնիկային թատրոնում տեղի կունենան փառատոնի հանդիսավոր փակման և մրցանակների բաշխման արարողությունները։

Փառատոնը լավագույնս կարտացոլի նախորդ տարվա բեմական ձեռքբերումները, քանի որ Երևանից բացի, ընդգրկված են բոլոր այն մարզերը, որտեղ գոյություն ունի թատերական կյանք: Այս տարի, Շուշիի Նարեկացի արվեստի կենտրոնի թատերախմբից բացի, մասնակցում է նաև Ստեփանակերտի Վ.Փափազյանի անվ. դրամատիկական թատրոնը:

Փառատոնի նախագահ` Արա Խզմալյան

Գեղարվեստական ղեկավար` Ռուբեն Բաբայան