Ազատության հրապարակում արդեն երկրորդ օրը հացադուլ հայտարարած «Ժառանգություն» կուսակցության առաջնորդ Րաֆֆի Հովհաննիսյանը պատասխանելով «7օր»–ի այն հարցին, թե ի՞նչ սպասումներ  ունի՝ ինչպե՞ս կարձագանքեն իր  հացադուլին իշխանությունները, ասել, թե գնահատականը առաջիկա օրերի և շաբաթների ընթացքում կերևա։

–Ներկա դրությամբ կա միայն ԱԺ փոխխոսնակի հեգնախառն վերաբերմունքը, որ ուզում է խառնել քաղաքացիական այս նախաձեռնությունը, ժողովրդի պահանջը Մեծ պահքի սուրբ ծոմի հետ։ Եթե իրեն թվում է, թե սա հաճելի զբաղմունք է և ինչ–որ ուրախությունից ծնված հաճույք՝ ես իրեն հրավիրում եմ, որ ինքը ինձ միանա, ու մեծ  ուրախությամբ այս գիշերը կանցկացնենք,–ասել  է նա։

Րաֆֆի Հովհաննիսյանը նշել  է, թե ակնկալում է, որ ամեն դեպքում խղճի մի փոքր մնացորդը մարդկանց և իշխնավորներին  հնարավորություն կտա հասկանալ, որ պետությունը փրկելու,  վաղվա օրը ապահովելու համար ինքնազրկանքի պետք է գնան։

–Սա իմ քաղաքացիական դիրքորոշումն է, իմ հոգու և  էության պահանջն է, և դա ես իրացնում եմ, ու սա իմ իարվունքն է, և իրացնում եմ այնտեղ, որտեղ իմ իրավունքն է՝ Ազատության հրապարակում։ Սա մեր բոլորի իրավունքն է։ Մարդ մահկանացու է, և այս մեկ գործոնով և  կամ մեկ պահով չի որոշվում։ Կան նաև այլ զարգացումներ՝ այսօր, վաղը, մյուս օրը և այլ միջոցառումներ, այլ  պայքարներ, որը կարելի է համատեղել և միատեղել, որպեսզի ժողվորդի  պահանջը  տեղ հասնի, և ի վերջո մենք ունենանք ոչ թե հերթական բարոյական միտինգը կամ նստացույցը կամ հացադուլը, այլ քաղաքական արդյունք, որ  կանդրադառնա  մարդու իրավունքերի,  քաղաքացու իրավունքների և Հայաստանցու արժանապատվության անմիջիկան հրամայականի վրա,–ասել  է նա։

7or.am