Մարտի 15-ին, ժամը 11.10-ին, ոստիկանության Սյունիքի մարզային վարչության և Կապանի բաժնի ծառայողները Լենհանքեր բանավանի ավտոկանգառից բերման են ենթարկել 26-ամյա Արտավազդ Գ.-ին, որը 2010 թ. սեպտեմբերի 27-ից ՌԴ Ստավրոպոլի երկրամասի Բուդյոնովսկ քաղաքի ՆԳ բաժնի կողմից հետախուզվում էր բռնաբարության մեղադրանքով:Արտավազդ Գ.-ի հայտնաբերման մասին հայտնվել է հետախուզումը նախաձեռնողին: * * *

Մարտի 15-ին, ժամը 11.30-ին, ոստիկանության Երևան քաղաքի վարչության և Արարատի բաժնի ծառայողները Արարատի մարզի Տափերական գյուղից բերման են ենթարկել ՌԴ քաղաքացի, 21-ամյա Անդրանիկ Զ.-ին, որը 2010 թ. նոյեմբերի 3-ից Մոսկվայի մարզի Շատուրսկի ՆԳ բաժնի կողմից հետախուզվում էր կողոպուտի մեղադրանքով:Հայտնաբերման մասին հայտնվել է հետախուզումը նախաձեռնողին:

* * *Ոստիկանության Սյունիքի մարզային վարչության և Կապանի բաժնի ծառայողները մարտի 15-ին, ժամը 10.30-ին, Հունան Ավետիսյան փողոցի 18 շենքից բերման են ենթարկել 25-ամյա Վլադիմիր Ս.-ին, որը 2010 թ. օգոստոսի 24-ից ՌԴ Կրասնոյարսկ քաղաքի ՆԳ բաժնի կողմից հետախուզվում էր դիտավորությամբ առողջությանը թեթև վնաս պատճառելու մեղադրանքով:Խափանման միջոցը` կալանք: Հայտնաբերման մասին հայտնվել է հետախուզումը նախաձեռնողին: