Ավստրիայի արտգործնախարարը բացահայտել է ավստրիական կողմի նախաձեռնությամբ կազմակերպված՝ Հարավային Կովկասի հոգևոր առաջնորդների հերթական հանդիպման մանրամասները։

Ավստրիայի արտգործնախարարությունից հաղորդում են, որ նախարար Միխայել Շպինդելեգերը Վիեննայի միացյալ ինստիտուտում «Ավստրիայի արտաքին քաղաքականությունը Սև ծովի և Կովկասի տարածաշրջաններում» թեմայով ամենամյա դասախոսության ժամանակ ելույթ ունենալով՝ ասել է, թե 2011թ. հունիսին Վիեննայում ծարագրվում է համաժողով անցկացնել Հարավային Կովկասի  հոգևոր առաջնորդների մասնակցությամբ։

–Մենք օգնել ենք  տարածաշրջանում մի շարք մշակութային միջոցառումներ կազմակերպել, օրինակ՝ Քիշնևում 2010թ. սեպտեմբերին կայացած «Մշակույթի և գիտության երկխոսության փառատոնը»։ Հիմա  մենք ծրագրում ենք 2011թ. հունիսին Վիեննայում կազմակերպել Հարավային Կովկասի հոգևոր առաջնորդների համաժողովը, որպեսզի աջակցենք տարածաշրջանի կրոնական համայնքների միջև լավագույն փոխհամաձայնության հասնելուն,–ընդգծել է Ավստրիայի արտգործնախարարը։

Նրա խոսքերով՝ այս նախաձեռնությունը Վիեննայում միջազգային երկխսության  և խաղաղ նախաձեռնությունների հարթակ ստեղծելու ուղղությամբ Ավստրիայի ներդրած  ջանքերի մի մասն է։