Քաղաքացիական գիտակցություն ՀԿ նախագահ Նարեկ Սամսոնյանը, Antifake.am կայքի խմբագիր Աստղիկ Մաթևոսյանը, և հնարային վերահսկողություն կենտրոն ՀԿ ղեկավար Բաբկեն Հարութունյանը Անժելա Թովմասյանի «Հայելու առաջ» հաղորդման ժամանակ հայտարարեցին, որ ՀՀ-ում հայտարարված արտակարգ դրության ժամանակ լրատվամիջոցներին վերաբերող հատվածը խոսքի ազատության սահմանափակում է:

«Դա տեսնում ենք, դա կա, բայց անկախ ամեն ինչից կա արտակարգ դրություն, պետք է աշխատենք այդ ռեժիմով, պետք է ընդունենք: Եվ ըստ էության արտակարգ դրության ողջ փաթեթից գործում է միայն հենց լրատվամիջոցների հատվածը՝ տուգանվելու, պարետից նկատողություն ստանալու վտանգ կա: Ես կարծում եմ, որ մամուլը կճեղքի այդ պատը, և ինչը պաշտոնականից դուրս է, կներկայացնի: Եվ բացի դա, կառավարության նիստի ժամանակ վարչապետը հայտարարում է այնպիսի տվյալներ, որոնք, ըստ էության, ՀՀ պետական գաղտնիք են հանդիսանում, օրինակ պարենային անվտագնությանը վերաբերող տվյալներ: Արտակարգ դրությունը մամուլի համար է հայտատարված»,-ասաց Նարեկ Սամսոնյանը:

Բաբկեն Հարությունյանն ասաց, որ արտակարգ դրությունը հայտարարվել է բավական ուշացած, ամբողջ աշխարհում խառը իրավիճակ էր, պետության ղեկավարները քայլեր էին ձեռնարկում, իսկ ՀՀ-ում քարոզարշավ էր. «Թու-թու-թու, կորոնավիրուսն ում շունն է, և այլ հայտարարություններ էին արվում, հիմա ունենք այն, ինչ ունենք»:

Աստղիկ Մաթևոսյանն էլ ասաց, որ կորոնավիրուսի համաճարակի ժամանակ սահմանափակել են ԶԼՄ-ին․ դրանք հնարավորություն չունեն անգամ անդադառնալ պաշտոնյաների հակամասնագիտական հայտարարություններին: