ՀԺԿ վարչության քարտուղար Գրիգոր Հարությունյանն այսօր լրագրողների հետ հանդիպման ժամանակ ասել է, թե մարտի 1–ին հրավիրված ՀԱԿ հանրահավաքն ուլտիմատում ներկայացնելու նպատակ չի ունեցել։ Նա նաև չի համաձայնել, որ Լևոն Տեր-Պետրոսյանի ներկայացրած 15 կետանոց պահանջները ուլտիմատումային են։ Գ. Հարությունյանն այդուհանդերձ ավելացրել է, թե իշխանությունները պետք է վստահ լինեն՝ ամեն անգամ չէ, որ ժողովուրդը խելոք-խելոք գալու է հանրահավաքի ու այդպես էլ հեռանա. բաժակը լցվել է:

–ՀԱԿ-ի ներկայացրած պահանջներին որոշ ներկայացուցիչներ շտապեցին և գնահատականներ տվեցին: Նրանք նշեցին, որ դա ուլտիմատում է: Ասեմ, որ դրանով  ՀԱԿ-ը ներկայացրել է իրավիճակը մեր երկրի և դրանից դուրս գալու ելքերը,–ընդգծել է Գ. Հարությունյանը:

Նրա հետ ասուլիսի հրավիրված ՀՀԿ-ական պատգամավոր Մկրտիչ Մինասյանն էլ նկատել է՝ փաստորեն ստացվում է, որ ՀԱԿ-ն ասում է պարզապես ասելու համար, իսկ ներկայացված 15 պահանջներն էլ ապրիորի ցանկություններ են:

7or.am