Մարտի 5-ին`ժամը 02.50-ին, ահազանգ է ստացվել, որ Կապան քաղաքի Ձորք թաղամասում գտնվող ՀՊՃՀ-ի Կապանի մասնաճյուղի հարակից տարածքում տեղի է ունեցել ավտոպատահար:

Դեպքի վայր մեկնած փրկարարները պարզել են, որ «Նիսսան» մակնիշի 77 ՕՕ 088 պետհամարանիշի ավտոմեքենան դուրս է եկել երթևեկելի մասից, բախվել երկաթյա սյանը և շրջվել, ինչի հետևանքով ուղևոր`1951թ.-ին ծնված Ռայա Հարությունյանը  մահացել է տեղում, իսկ ավտոմեքենայի վարորդ`1975թ.-ին ծնված Մարատ Դանիելյանը  և ուղևորներ`1969թ.-ին ծնված Նունե Ղազարյանը և Մերի Դանիելյանը ստացել են տարբեր աստիճանի մարմնական վնասվածքներ և մինչ փրկարարների ժամանելը տեղափոխվել են Կապան քաղաքի հիվանդանոց:

Տուժածների վիճակը գնահատվել է միջին ծանրության:

…

Մարտի 8-ին`ժամը 03.08-ին տեղեկատվություն է ստացվել, որ Երևան քաղաքի Մյասնիկյան պողոտայի թիվ 20 հասցեի հարակից տարածքում տեղի է ունեցել ավտոպատահար, կան տուժածներ և անհրաժեշտ է փրկարարների օգնությունը:

Դեպքի վայր մեկնած փրկարարները պարզել են է, որ «ԲՄՎ» մակնիշի 18 ՏՍ 582 պետհամարանիշի ավտոմեքենան դուրս է եկել ճանապարհի երթևեկելի հատվածից, բախվել է ծառին և շրջվել, ինչի հետևանքով մեկ ուղևոր, որի անձը չի հաջողվել պարզել, տեղում զոհվել է:

Ավտոմեքենայից դուրս են բերվել վարորդ, 1985.-ին ծնված Արմեն Մկրտչյանը տեղափոխել է Երևան քաղաքի թիվ 1 կլինիկական հիվանդանոց, ուղևոր, 1982թ.-ին ծնված Ռոբերտ Մնացականյանը տեղափոխել է «Սրբ.Գրիգոր Լուսավորիչ» բժշկական կենտրոն, որ­տեղ մահացել է:

Ա.  Մկրտչյանի առողջական վիճակը գնահատվել է միջին ծանրության: