ԱԺ ճեպազրույցների ժամանակ ՀՅԴ խմբակցության ղեկավար Վահան Հովհաննիսյանն անդրադարձել է «Ժառանգություն» խմբակցության պատգամավորների, բացօթյա առևտրով զբաղվողների և ոստիկանների միջև երեկ տեղի ունեցած միջադեպին։

–Ես տեղյակ եմ, որ ոստիկանության առաջնորդներից հեռուստաելույթներ են ոմանք ունեցել։ Ինքս չեմ տեսել, բայց որքան հասկանում եմ, արդեն ոստիկանությունը սկսում է հասարակությանը դասեր տալ՝ ի՞նչ կարելի է ասել կառավարությանը, ի՞նչ կարելի է պահանջել, իսկ ի՞նչ չի կարելի պահանջել։ Քաղաքական գնահատականներ են սկսում ոստիկանները տալ ընթացող գործընթացներին։ Սա հավանաբար Սահմանադրության և օրենսդրության հետ ծանոթ չլինելու հետևանքն է, որովհետև ոստիկանության խնդիրը մեզ դասեր տալը չէ, այլ կարգուկանոն հաստատելը,–ասել է Վ. Հովհաննիսյանը։

Նա նաև նշել է, որ հավանաբար ոստիկանների շրջանում կան մարդիկ, ովքեր հասարակության մեջ իրենց դերը լուրջ քաղաքական են համարում և կարծում են, թե իրենք իրավունք ունեն գնահատականներ և որակումներ տալ այս կամ այն քաղաքական ուժին, նրա վարքին.

–Օրինակ, մեզ էլ խորհուրդներ են տալիս, որ մենք շտապեցինք մեր հայտարարությունն անելով։ Հարց է՝ դու ո՞վ ես ախր։

7or.am