Ռուսաստանի պաշտոնական ներկայացուցիչ Ալեքսանդր Լուկաշևիչն այսօր հայտարարել է, թե ԼՂ շուրջ բանակցությունների եռակողմ ձևաչափը հնարավորություն է տվել մոտեցնել երկու կողմերի դիրքորոշումները և ամրապնդել վստահության միջոցները։

–Ռուսաստանը, ԵԱՀԿ Մինսկի խմբի մյուս համանախագահների հետ միասին, բոլոր ջանքերն է գործադրում առաջընթացի հասնելու համար։ Եռակողմ ձևաչափով 2010թ. երեք հանդիպում է տեղի ունեցել, և այդ շփումները հնարավորություն են տվել մոտեցնելու երկու կողմերի դիրքորոշումներն ու ամրապնդելու վստահության միջոցները,–ասել է նա։

Այնուհետև Ա. Լուկաշևիչը նշել է.

–Մենք կարծում ենք, որ Սոչիում կայանալիք հանդիպմանը Դմիտրի Մեդվեդևը հնարավորություն կունենա վերլուծելու, թե ինչպես են տարվել աշխատանքները գագաթնաժողովների միջև ընկած ժամանակահատվածում, և որոշակիացնելու հետագա քայլերը, որոնք ուղղված կլինեն Լեռնային Ղարաբաղի հիմնահարցի կարգավորման երկուստեք ընդունելի լուծումը գտնելուն։

7or.am