Ի  պատասխան  հիշյալ  հրապարակման, տեղեկացնում  եմ, որ  ՀՀ  կառավարության անդամների հակասահմանադրական  նշանակման  խնդրով  մենք  վաղուց  ենք  զբաղվում  և  պարոն  Թովմասյանն, առաջինը  չէ, որ  այդ  ճանապարհով  նախարարի պաշտոն  է  ստացել: Այսինքն, այդ  խնդիրը  վաղուց է ցուցադրում  կլեպտոկրատիայի  գոյությունը  Հայաստանում  և  Թովմասյանի  անձին  այդքանով  է  առնչվում:

Իսկ հրապարակման  մեջ  Նախարարության  կողմից  իմ հասցեին  ուղղված    գնահատականն, իբր  “ապօրինաբար կամ գուցե  միտումնավոր խեղաթյուրել”  եմ ՀՀ արդարադատության նախարարի  պատասխանը, ևս  մեկ  ապացույց  է  մեր  եզրահանգմանը, ինչը  խիստ  մտահոգիչ  է, հաշվի  առնելով, որ  խոսքը  վերաբերում  է  Արդարադատության  նախարարին:

Բավական  է  միայն  նշել, որ  «Արդարադատության «պրոֆեսիոնալ» նախարարի մասին» Ձեր  հրապարակման  մեջ  ես  քաղվածք  եմ  բերել  Նախարարի /տե'ս  կից  գրությունը/, այլ  ոչ  թե  նրա  խորհրդականի գրությունից, որը, որպես  այդ հրապարակման պատասխան  հաջողացրել  են  ներկայացնել  Ձեզ, ինչին  շատ  մեղմ  կլինի  հակադարձել, անգամ “ապօրինաբար” գնահատականով:

Հավանաբար, այդ  նախարարությունում  այնպիսի  խառնաշփոթ  է  տիրում  այսօր, որ  տեղյակ  չեն,  անգամ, իրենց  իսկ  նախարարի  գրություններից:

Ի  դեպ,  Նախարարը  պատասխանել  է  իմ  այն  գրությանը /տե'ս  Հ.Գ.-1/, որ  վերաբերում  է  տիկին  Խորհրդականի   այդ  նույն  դեմագոգիկ  պատասխանին:

Հարկ  եմ  համարում  տեղեկացնել  նաև, որ  մինչև  նախարարի  «պրոֆեսիոնալիզմի» մասին  հրապարակային  կարծիք  հայտնելն, ըստ  մեր  սկզբունքների, դեռևս  16.02.11թ.-ին պարզաբանումների  համար  դիմել  ենք  պարոն  Նախարարին /տե'ս  Հ.Գ.-2/, ինչը  մնացել  է  անարձագանք:

Ինչ  արած, սրանք  են  Ս.Սարգսյանի  ընտրյալները:

«Ընդդեմ  ՀՀԿ  ապօրինությունների»  համահայկական  կոմիտեի համակարգող Ռ. Թորոսյան

Հ.Գ. – 1

ՀՀ  արդարադատության  նախարար

Պարոն  Հ. Թովմասյանին

Մեր  հերթական  նախաձեռնությունները  սույն  խնդրով, ցույց  տվեցին, որ  ՀՀ  Վարչապետի  Սահմանադրության 55-րդ հոդվածի 4-րդ կետով  սահմանված  առաջարկություններ, այդ  թվում, իրավական  ակտի  ձևով,  գոյություն  չունեն, այսինքն,  վերջինններիս  մասին  որևէ  ձևով  տեղեկատվություն  գոյություն  չունի:

Թերևս, դա  է  պատճառը, որ  առայժմ  չի  ստացվում  հետևել  Ձեր  խորհրդին  և  “տարբերակել  քաղաքական  գործընթացներն  ու  ընթացակարգերը  իրավականից”:

Այդ  կապակցությամբ, հիմք  ընդունելով  Ձեր  պնդումն  այն  մասին, որ “իրավական  առումով` ՀՀ  Նախագահի  նշված  հրամանագրերով  բոլոր  նշանակումները  կատարվել  են  ՀՀ  օրենսդրությամբ  սահմանված  կարգին  խիստ համապատասխան”,  այսինքն, Դուք  ծանոթ  եք  /տեսել  եք/ այդ  առաջարկություններին, խնդրում  եմ  տեղեկացնել`

1. Որտեղ  կարող  ենք  ծանոթանալ  այդ  առաջարկություններին,
2. Ինչպես  են  բաժանվել  քաղաքական  ընթացակարգերը  իրավականից  ՀՀԿ  խորհրդում  նախարարի  պաշտոնում  Ձեր թեկնածությունը  քննարկելիս, որը  վարել  է  Նախարարի  պաշտոնում  Ձեզ  նշանակող  ՀՀԿ  ղեկավարը:                      Այսինքն, Վարչապետը  ում, ինչպես  և  երբ  է  ներկայացրել  Ձեր  թեկնածությունը:

Հարգանքներով` Ռ. Թորոսյան

ՀՀ  արդարադատության  նախարար

Պարոն  Հ. Թովմասյանին

Հարգելի  պարոն  Նախարար,

այն, որ  չեք  կարողանում  մեր  առաջարկությանը  պատշաճ  պատասխան  տալ, դա  հասկանալի  է, քանի  որ  ՀՀ  Վարչապետն  իր  հիշյալ  լիազորությունները  վաղուց  է  հանձնել  կուսակցություններին:

Նախարարի  պաշտոնին  Ձեր  նշանակման    խնդրին  մենք  անդրադառնում  և  այդ  ուղղությամբ  շարունակելու  եք  մեր  նախաձեռնություններն  այն  պատճառով, որ  այն, ավելի  քան ակնհայտ,  ապացույցներ  ունի  նախարարների  նշանակման հակսահմանադրականությունը  «Դեմագոգներին»  հիմնավորելու  համար:

Այդ  կապակցությամբ, ինչպես նաև, ի նպաստ  Ձեր  իսկ  շահերի, առաջարկում  ենք  Ձեր  11.02.11թ.  թիվ  01/681-11 տառասխալներով  լի  գրությունը /մասնավորապես` Սահմանդրություն, վաչապետ../ առանց  այդ  սխալների  վերաուղարկել  մեզ:

Ի դեպ  Դուք  պատասխանել  եք, մեր  2266  գրությանը, այլ  ոչ  թե` թիվ  2265-ին, ինչպես  նշված  է  Ձեր  պատասխանում:

Հույս  ենք  հայտնում  նաև, որ  բարեփոխումների  ճանապարհ  ընտրած  Ձեր  գլխավորած  նախարարության  պաշտոնյաներն, առավել  հարգալից  կվերաբերվեն    քաղաքացիների  /կազմակերպությունների/  առաջարկություններին, այդ թվում, ՀՀ  Կառավարության  անդամի  ստորագրությանը:

Հարգանքներով` ՀՊԱԿ  նախագահ  Ռ. Թորոսյան