Մատենադարի մոտ այս պահին տեղի ունեցող ՀԱԿ հանրահավաքի ժամանակ արտահերթ խոսքի իրավունք է խնդրել ՀԱԿ համակարգող Լևոն Զուրաբյանը և հայտարարել, թե հանրահավաքին ներկա ժողովուրդն այնքան շատ է, որ մինչև «Նաիրի» կինոթատրոն ձգվում է, և այդպիսով խաթարվում է երթևեկությունը։ Սակայն իրենք պայմանավորվածություն են ձեռք բերել ոստիկանների հետ, որ ճանապարհը պետք է բաց լինի, իսկ եթե մասնակիցների քանակը է՛լ ավելի մեծանա, ոստիկանները խոստացել են փակել Կորյունի փողոցը։

Բացի դա, Լևոն Զուրաբյանը ժողովրդին հորդորել է ոստիկանների հետ բախումներ չառաջացնել, իսկ եթե հանկարծ ցուցարարների մեջ որևէ քաղաքացի կփորձի անկարգություններ անել, նրան հորդորել հանգստանալ։

Լ. Զուրաբյանն ընդգծել է, թե իրենք շատ բարդ քաղաքական գործընթացների մեջ են, և չարժե նման բաներով դրանք խաթարել։

Այնուհետև խոսափողին է մոտեցել ՀՀՇ վարչության նախագահ Արամ Մանուկյանը և հայտարարել՝ մի՛ հրահրեք, թե չէ՝ մենք կոչ կանենք հրահրեն։

7or.am