Արդարադատության «պրոֆեսիոնալ»  նախարարը  շարունակում  է  ցուցադրական  այցելություններն իր  ենթակաների  վատ  աշխատանքին` ակնհայտորեն  քողարկելով  վերջինս  ծնող իրական  պատճառները:

Մասնավորապես`

1. Ինչպիսին  նախարարն  է, այնպիսին  էլ  նրա  ենթականերն  են:  Այսպես` «պրոֆեսիոնալ»-ը չգիտի  նախարարի  պաշտոնում  իր  առաջարկողին: Իսկ  նրա տառասխալներով  և  պատասխանից  խուսանավելու  փորձով  պաշտոնեական  գրությունը վեր  է  բոլոր  պատկերացումներից /Հ.Գ./:

2. Նախարարը խուսանավում  է անդրադառնալ  որոշ  պաշտոնյաների  աշխատանքին:  Օրինակ, մեր  բողոքը  Գլխավոր  հարկադիր  կատարողի  դեմ, ուղարկել  է  քննարկման նրան, իսկ զինդատախազին  առնչվող  «հրդեհված» հաղորդմանը  չի  անդրադառնում:

3. Նախարարը  բացարձակորեն  չի  տիրապետում   նախարարության, որպես  լիազոր մարմնի   գործառույթներին, խոչընդոտելով  ընտրությունների արդար անցկացմանը`

- ԱԺ վերջին  երկու  ընտրությունների  արդյունքում վեց  տասնյակից  ավելի  «կուսակցություններ»  լուծարման  չեն  ենթարկվել,

- բացառությամբ  մի  քանի  կուսակցությունների, մնացած մոտ  յոթ  տասնյակը խախտում  է  Օրենքի  պահանջներն, այդ  թվում, չունի  մարզային  կառույցներ, իսկ «պրոֆեսիոնալ»-ը  մեզ  առաջարկում  է  այդ  հարցով  դիմել  կուսակցություններին,

- երկու  կուսակցություն, այդ  թվում, «պրոֆեսիոնալ»-ին  առաջարկած  ՀՀԿ-ն  անթաքույց  զբաղվում  են  բարեգործական  գործունեությամբ,

- խախտելով  սահմանադրական  կարգը,  ՕԵԿ-ը  գլխավորում  է  ազգային  անվտանգության  համակարգի  պաշտոնյա  և  այլն:

«Ընդդեմ ՀՀԿ ապօրինությունների» համահայկական կոմիտեի համակարգող Ռ.Թորոսյան

Հ.Գ.– «…Հայաստանի Հանրապետության Սահմանդրությունից բացի  ՀՀ  որևէ  օրենքով  պետական  կառավարման  մարմինների  ղեկավարների  /նախարարների/  նշանակման  կոնկրետացված, հատուկ  ընթացակարգ չի նախատեսվում:  Հարկ  է  նշել, որ Հայաստանի Հանրապետության Սահմանդրության  տեսանկյունից  առանցքային  նշանակություն  ունի այն  հանգամանքը, որ Հայաստանի Հանրապետության  վաչապետը  նախարարի թեկնածուի վերաբերյալ Հանրապետության  Նախագահին ներկայացնում  է  իր  առաջարկությունը, այլ ոչ  թե այն ներկայացնելու  որևէ  ձևականացված  ընթացակարգի առկայությունը` անկախ դրա ամրագրման անհրաժեշտությունից:   Ինչ  վերաբերում  է  այն  հարցին, թե ինչպես  և  երբ  է  իմ  թեկնածության  վերաբերյալ  Հայաստանի Հանրապետության վարչապետն  իր  առաջարկությունը  ներկայացրել  Հանրապետության Նախագահին, այդ  մասին կարող  եք  տեղեկանալ բացառապես  Հայաստանի Հանրապետության վարչապետի  աշխատակազմից…»։