Վրաստանում Հայաստանի դեսպանությունը և Վիրահայոց թեմի «Հայարտուն» մշակութային կենտրոնը երթ են կազմակերպելու՝ նվիրված  սումգայիթյան  ոճրագործության հիշատակին:

Թբիլիսիի Սուրբ Գևորգ առաջնորդանիստ եկեղեցում կիրակնօրյա պատարագի ավարտին վիրահայոց  հոգևոր  թեմի առաջնորդ, եպիսկոպոս  Վազգեն Միրզախանյանը դատապարտել է  սումգայիթյան ոճրագործությունը։

Պատարագի վերջում  կատարվել է հոգեհանգիստ՝ ի հիշատակ սումգայիթյան ոճրագործության զոհերի, որին ներկա են եղել Վրաստանում Հայաստանի դեսպան Հրաչ Սիլվանյանը, դեսպանության աշխատակիցներ, «Վրաստան» թերթի խմբագիր Վան Բայբուրթյանը:

Հոգեհանգստի արարողությունից հետո   վիրահայոց Թբիլիսիի համայնքի  ներկայացուցիչները,  Վրաստանում ՀՀ դեսպանության և  վիրահայոց հոգևորաց  դասի առաջնորդությամբ, ծաղկեպսակով  և ծաղիկներով զարդարել են  քաղաքի  Խոջիվանքի Հայ գրողների և հասարակական գործիչների պանթեոնում հայոց զոհերի  հիշատակն անհամացնող  խաչքարը: