Երեկ՝ դեկտեմբերի 23-ին, խոշոր ավտովթար է տեղի ունեցել Գեղարքունիքի մարզում: Ժամը 15:30-ի սահմաններում Մարտունի-Վարդենիս –Քարվաճառ ավտոճանապարհի 6.5-րդ կմ հատվածում, ըստ նախնական տեղեկությունների, Վարդենիկ գյուղի բնակիչ, 41-ամյա Արսեն Հ.-ն, վարելով ВАЗ 2107 մակնիշի 35 PD 870 համարանիշի ավտոմեքենան, խոչընդոտներ է ստեղծել իրեն վազանց կատարող նույն գյուղի բնակիչ, 28-ամյա Արեգ Ս.-ի վարած Mercedes մակնիշի K 007 OP 150 RUS համարանիշի ավտոմեքենային, որն էլ բախվել է Վարդենիկ գյուղի բնակիչ, ՌԴ քաղաքացի, 44-ամյա Մհեր Պ.-ի վարած ВАЗ 21099 մակնիշի 09 ՍԼ 339 համարանիշի ավտոմեքենային:

Ինչպես հայտնում է ֆոտոլրագրող Գագիկ Շամշյանը, վթարի հետևանքով ВАЗ 21099-ը գլխիվայր շրջվել է, իսկ վարորդ Մհեր Պ.-ն մարմնական վնասվածքներով տեղափոխվել է «Մարտունի» բժշկական կենտրոն:

Փաստի առթիվ նյութեր են նախապատրաստվում:

Մանրամասները՝ Shamshyan.com-ում։