15.11.2024 ● 13:11
15.11.2024 ● 13:08
15.11.2024 ● 12:31
15.11.2024 ● 11:58
15.11.2024 ● 11:01
15.11.2024 ● 10:04
15.11.2024 ● 09:26
15.11.2024 ● 08:59
15.11.2024 ● 07:02
15.11.2024 ● 06:54
Ռոբերտ Քոչարյանի պաշտպանների բողոքը քննող դատարանը հեռացավ խորհրդակցական սենյակ (տեսանյութ)
Այսօր դատավոր Լուսինե Աբգարյանի նախագահությամբ տեղի ունեցավ Վերաքննիչ քրեական դատարանի նիստը, որի ընթացքում պետք է քննվի ՀՀ երկրորդ նախագահ Ռոբերտ Քոչարյանի պաշտպանների բողոքը Երևանի ընդհանուր իրավասության դատարանի կողմից նրան գրավի դիմաց ազատ չարձակելու վերաբերյալ:
Սույն գործով բողոքը պետք է քններ դատավոր Մխիթար Պապոյանը, որին դատախազ Գևորգ Բաղդասարյանը ինքնաբացարկի միջնորդություն է ներկայացրել։ Պապոյանն ինքնաբացարկ է հայտնել՝ մի շարք դատավորների պես հրաժարվելով քննել Ռոբերտ Քոչարյանի գործը։ Դեկտեմբերի 10-ին Ռոբերտ Քոչարյանի խափանման միջոցի գործով բողոքը մակագրվել է Վերաքննիչ քրեական դատարանի դատավոր Լուսինե Աբգարյանին։
Հիշեցնենք, որ նոյեմբերի 7-ին Երևանի ընդհանուր իրավասության դատարանը՝ Աննա Դանիբեկյանի նախագահությամբ, մերժել է Ռոբերտ Քոչարյանի պաշտպանների միջնորդությունը՝ նրա նկատմամբ որպես խափանման միջոց գրավի կիրառումը թույլատրելի ճանաչել։
Քոչարյանի պաշտպաններն ինքնաբացարկ հայտնելու միջնորդություն ներկայացրեցին դատավոր Լուսինե Աբգարյանին։ Նա հեռացավ խորհրդակցական սենյակ։ Հաջորդ նիստը կկայանա դեկտեմբերի 18-ին, ժամը 14։00-ին։
7or.am