Եգիպտոսում հայտնաբերել են Ռամզես Բ-ի հազվագյուտ արձանը

● Աշխարհ

12.12.2019 ● 19:25

Եգիպտոսում հայտնաբերել են Ռամզես Բ-ի հազվագյուտ արձանը

Եգիպտացի հնագետները Գիզայի Միթ Ռահինայի շրջանում՝ հինեգիպտական Փթահ աստծու տաճարից ոչ հեռու հայտնաբերել են Ռամզես Երկրորդ փարավոնի արձանի վերին մասը: Այդ մասին ասված Է հնության հուշարձանների գործերի նախարարության հաղորդագրության մեջ, տեղեկացնում Է «Արմենպրես»-ը:

«Հայտնաբերվել Է Ռամզես Երկրորդի՝ վարդագույն գրանիտից հազվագյուտ արձանի վերին մասը»,- ասել Է Եգիպտոսի հնությունների գործերի բարձրագույն խորհրդի գլխավոր քարտուղար Մուստաֆա Վազիրին: Արձանի գտնված ֆրագմենտի բարձրությունը կազմում Է 105 սանտիմետր, լայնությունը՝ 55 սանտիմետր: Փարավոնի արձանը հաջողվել Է գտնել մասնավոր տարածքում, որի տերը գաղտնի պեղումներ Էր կատարում, բայց տուրիստական ոստիկանության կողմից ձերբակալվել Է դեկտեմբերի սկզբին: Այժմ գտածոն ուղարկվել Է մոտակա թանգարան բաց երկնքի տակ, որտեղ կվերականգնվի:

Համարվում Է, որ Ռամզես Երկրորդ փարավոնը, որը կառավարել Է մեր թվագրությունից առաջ 1279 – 1213 թվականներին, Եգիպտոսը մեծ տերություն Է դարձրել իր հաղթանակների, նվաճումների, նոր տարածքների յուրացման, շինարարության եւ ոռոգման բնագավառում հաջողությունների շնորհիվ, հաղորդել Է ՌԻԱ Նովոստին:

● Այս խորագրի վերջին նյութերը

Մոսկվայում տղամարդը հեռախոսի պատճառով ընկել է մետրոյի ռելսերին

08.11.2024 ● 15:13

Անզգույշ ուղևորը բարեբախտար չի տուժել:

«Չելսի»-ն ջախջախիչ հաշվով պարտության մատնեց «Նոա»-ին (տեսանյութ)

08.11.2024 ● 08:18

«Չելսի»-«Նոա»` 8:0:

1-1,5 մլն դոլար. Sotheby’s-ը կպչուն ժապավենով պատին ամրացված բանանով ինստալյացիան աճուրդի կհանի

07.11.2024 ● 19:39

Բանանը գնել է 30 ցենտով. ավելի ուշ ինստալյացիան վաճառվել էր 120,000 դոլարով՝ միջազգային մամուլում բուռն քննարկումներ առաջացնելով ժամանակակից արվեստի ընկալման և արժևորման մասին: