Վրաց-ադրբեջանական սահմանին ադրբեջանցի սահմանապահները կրակ են բացել և վիրավորել Վրաստանի քաղաքացու

● Աշխարհ

11.12.2019 ● 12:50

Վրաց-ադրբեջանական սահմանին ադրբեջանցի սահմանապահները կրակ են բացել և վիրավորել Վրաստանի քաղաքացու

Մի քանի օր առաջ վրաց-ադրբեջանական սահմանին ադրբեջանցի սահմանապահները վիրավորել են Վրաստանի քաղաքացի հանդիսացող հովվի: Այս մասին տեղեկացնում է netgazeti.ge կայքը:

Կատարվածի վերաբերյալ շրջանառվում է մի քանի վարկած, որոնցից մեկի համաձայն՝ հովիվը վազել է դեպի չեզոք գոտի, որտեղ սահմանապահները կրակ են բացել նրա ուղղությամբ:

Մեկ այլ վարկածի համաձայն՝ սահմանապահները նշան են բռնել շան ուղղությամբ, բայց պատահաբար վիրավորել են հովվին:

Ադրբեջանական լրատվամիջոցները գրում են, որ հովիվը վիրավորում է ստացել գլխի շրջանում:

Վիրավորը ներկայում բուժում է անցնում Գյանջայի (Գանձակ) հիվանդանոցում: Նրա ինքնությունն արդեն ճշտվել է. հովիվը 1993 թվականին ծնված Վրաստանի քաղաքացի, ազգությամբ ադրբեջանցի Ռամին Բաշիրովն է:

Վիրավորին այցելել են Ադրբեջանում Վրաստանի դեսպանատան ներկայացուցիչները: Փաստի առնչությամբ հետաքննություն է ընթանում:

Աղբյուրը՝ Tert.am

● Այս խորագրի վերջին նյութերը

Մոսկվայում տղամարդը հեռախոսի պատճառով ընկել է մետրոյի ռելսերին

08.11.2024 ● 15:13

Անզգույշ ուղևորը բարեբախտար չի տուժել:

«Չելսի»-ն ջախջախիչ հաշվով պարտության մատնեց «Նոա»-ին (տեսանյութ)

08.11.2024 ● 08:18

«Չելսի»-«Նոա»` 8:0:

1-1,5 մլն դոլար. Sotheby’s-ը կպչուն ժապավենով պատին ամրացված բանանով ինստալյացիան աճուրդի կհանի

07.11.2024 ● 19:39

Բանանը գնել է 30 ցենտով. ավելի ուշ ինստալյացիան վաճառվել էր 120,000 դոլարով՝ միջազգային մամուլում բուռն քննարկումներ առաջացնելով ժամանակակից արվեստի ընկալման և արժևորման մասին: