«Իմ կանխատեսմամբ՝ Ռուսաստանի հաջորդ նախագահը չի լինի Վլադիմիր Պուտինը». Մարգարիտա Սիմոնյանը խոսել է Պուտինի իրավահաջորդի մասին

● Աշխարհ

10.12.2019 ● 12:15

«Իմ կանխատեսմամբ՝ Ռուսաստանի հաջորդ նախագահը չի լինի Վլադիմիր Պուտինը». Մարգարիտա Սիմոնյանը խոսել է Պուտինի իրավահաջորդի մասին

Ռուսական RT հեռուստաալիքի գլխավոր խմբագիր Մարգարիտա Սիմոնյանն իր կանխատեսումն է արել Ռուսաստանի նախագահի հաջորդ ընտրությունների վերաբերյալ: Այս մասին տեղեկացնում է «ՌԻԱ Նովոստի»-ն:

«Իմ կանխատեսումն այն է, որ Ռուսաստանի հաջորդ նախագահը, ինչպես ինձ է թվում, ելնելով իր իսկ ելույթներից, չի լինի Վլադիմիր Վլադիմիրովիչ Պուտինը, և որ նա կառաջարկի ինչ-որ մարդու, ում նա վստահում է, և խորհուրդ կտա նրան որպես իր իրավահաջորդ: Իսկ հետո, ինչպես ինքն է սիրում կրկնել, ժողովուրդը կընտրի»,- ասել է Սիմոնյանը:

ՌԴ նախագահի մամուլի խոսնակ Դմիտրի Պեսկովը հոկտեմբերի վերջին հայտարարել էր, որ Կրեմլում չեն մտածում նախագահի իրավահաջորդի մասին, լարված աշխատանք է գնում, իսկ ընտրություններին դեռ շատ կա:

Անձամբ Պուտինը նշել է, որ դեռ նախագահական առաջին ժամկետում սկսել է մտածել իրավահաջորդի մասին, բայց այդ հարցում որոշողն ընտրողներն են լինելու:

ՌԴ նախագահի լիազորությունները կդադարեն 2024 թվականին: Վլադիմիր Պուտինը, Սահմանադրության համաձայն, իրավունք չունի մասնակցելու հաջորդ ընտրություններին:

Աղբյուրը՝ Tert.am

● Այս խորագրի վերջին նյութերը

Մոսկվայում տղամարդը հեռախոսի պատճառով ընկել է մետրոյի ռելսերին

08.11.2024 ● 15:13

Անզգույշ ուղևորը բարեբախտար չի տուժել:

«Չելսի»-ն ջախջախիչ հաշվով պարտության մատնեց «Նոա»-ին (տեսանյութ)

08.11.2024 ● 08:18

«Չելսի»-«Նոա»` 8:0:

1-1,5 մլն դոլար. Sotheby’s-ը կպչուն ժապավենով պատին ամրացված բանանով ինստալյացիան աճուրդի կհանի

07.11.2024 ● 19:39

Բանանը գնել է 30 ցենտով. ավելի ուշ ինստալյացիան վաճառվել էր 120,000 դոլարով՝ միջազգային մամուլում բուռն քննարկումներ առաջացնելով ժամանակակից արվեստի ընկալման և արժևորման մասին: