Բրազիլիայում ինքնաթիռն արտակարգ վայրԷջք Է կատարել թռիչքի ժամանակ երեխայի ծնվելուց հետո

● Աշխարհ

10.12.2019 ● 19:05

Բրազիլիայում ինքնաթիռն արտակարգ վայրԷջք Է կատարել թռիչքի ժամանակ երեխայի ծնվելուց հետո

Աղջիկ Է լույս աշխարհ եկել ինքնաթիռում, որը կատարում Էր Սան Պաուլուից Չիլիի մայրաքաղաք Սանտյագո չվերթը: Միջադեպի պատճառով օդաչուները հարկադրված են եղել ինքնաթիռն իջեցնել Պորտու Ալեգրի քաղաքում (Բրազիլիայի հարավ), որտեղ մորը նորածնի հետ հանձնել են բժիշկներին: Այդ մասին, ինչպես տեղեկացնում Է «Արմենպրես»-ը, դեկտեմբերի 9-ին հաղորդել Է G1 պորտալը:

Չիլիացի զույգը տուն Էր վերադառնում Ռիո դե Ժանեյրոյում անցկացրած արձակուրդից հետո: Բժիշկը, որի հսկողության տակ Էր գտնվում կինը, նրան տվել Էր տեղեկանք, որը թույլ Էր տալիս կատարել ավիաթռիչքներ, չնայած այն բանին, որ նա արդեն հղիության իններորդ ամսում Էր: Սակայն Սան Պաուլուի տարանցիկ օդանավակայանից թռչելուց հետո, երբ հանրանավը հասել Էր սահմանված բարձրության, ապագա մոր մոտ սկսվել են երկունքի ցավերը:

Սալոնում եղել են շտապ օգնության միանգամից երկու բժիշկ եւ բուժքույր, որոնք նորածնին օգնել են լույս աշխարհ գալ: «Նրա ծնվելուն ծափահարել Է ամբողջ ինքնաթիռը»,- հիշում Է հայրը, հաղորդել Է ՏԱՍՍ-ը:

● Այս խորագրի վերջին նյութերը

Մոսկվայում տղամարդը հեռախոսի պատճառով ընկել է մետրոյի ռելսերին

08.11.2024 ● 15:13

Անզգույշ ուղևորը բարեբախտար չի տուժել:

«Չելսի»-ն ջախջախիչ հաշվով պարտության մատնեց «Նոա»-ին (տեսանյութ)

08.11.2024 ● 08:18

«Չելսի»-«Նոա»` 8:0:

1-1,5 մլն դոլար. Sotheby’s-ը կպչուն ժապավենով պատին ամրացված բանանով ինստալյացիան աճուրդի կհանի

07.11.2024 ● 19:39

Բանանը գնել է 30 ցենտով. ավելի ուշ ինստալյացիան վաճառվել էր 120,000 դոլարով՝ միջազգային մամուլում բուռն քննարկումներ առաջացնելով ժամանակակից արվեստի ընկալման և արժևորման մասին: