«Դեկտեմբերի 5-ին կլքեմ Ադրբեջանն ու կտեղափոխվեմ Հայաստան». Ադրբեջանի բնակչուհին հայտարարել է, որ արտագաղթում է Հայաստան (տեսանյութ)

● Աշխարհ

04.12.2019 ● 11:00

«Դեկտեմբերի 5-ին կլքեմ Ադրբեջանն ու կտեղափոխվեմ Հայաստան». Ադրբեջանի բնակչուհին հայտարարել է, որ արտագաղթում է Հայաստան (տեսանյութ)

Ադրբեջանի քաղաքացի, Սումգայիթ քաղաքի բնակչուհի Այսել Մուստաֆաևան տեսաուղերձով դիմել է Ադրբեջանի նախագահ Իլհամ Ալիևին:

Մուստաֆաևան նշել է, որ ինքը պատրաստվում է արտագաղթել Հայաստան՝ Ադրբեջանում արդարության բացակայության և անտանելի իրավիճակի պատճառով:

«Ոչ ոքից օգնություն չեմ ուզում, ես տեղեկացնում եմ, որ տոմս եմ գնել, և դեկտեմբերի 5-ին կլքեմ Ադրբեջանը և կտեղափոխվեմ Հայաստան»,- ասել է Մուստաֆաևան:

Ադրբեջանուհին պատմել է, որ ինքը բազմիցս փորձել է դիմել Իլհամ Ալիևին, այդ թվում՝ Սումգայիթ նրա այցի ժամանակ, սակայն արդյունքում ոստիկանները ձերբակալել են նրան:

Մուստաֆաևան կոչ է արել իրեն դավաճան չանվանել, քանի որ ոչ թե «ինքն է դավաճանել երկիրը, այլ պաշտոնյաներն են իրեն դավաճանել»:

Ավելի վաղ ՀՀ ԱԳՆ մամուլի քարտուղար Աննա Նաղդալյանը տեղեկացրել էր, որ էթնիկ ադրբեջանցիները, այդ թվում Ադրբեջանի քաղաքացիներն առանց որևէ արգելքի կարող են մտնել ՀՀ տարածք:

Աղբյուրը՝ Tert.am

● Այս խորագրի վերջին նյութերը

Մոսկվայում տղամարդը հեռախոսի պատճառով ընկել է մետրոյի ռելսերին

08.11.2024 ● 15:13

Անզգույշ ուղևորը բարեբախտար չի տուժել:

«Չելսի»-ն ջախջախիչ հաշվով պարտության մատնեց «Նոա»-ին (տեսանյութ)

08.11.2024 ● 08:18

«Չելսի»-«Նոա»` 8:0:

1-1,5 մլն դոլար. Sotheby’s-ը կպչուն ժապավենով պատին ամրացված բանանով ինստալյացիան աճուրդի կհանի

07.11.2024 ● 19:39

Բանանը գնել է 30 ցենտով. ավելի ուշ ինստալյացիան վաճառվել էր 120,000 դոլարով՝ միջազգային մամուլում բուռն քննարկումներ առաջացնելով ժամանակակից արվեստի ընկալման և արժևորման մասին: