Կայացավ «Հայաստան» համահայկական հիմնադրամի ամենամյա՝ 22-րդ հեռուստամարաթոնը՝ «Ես իմ անուշ Հայաստանի» խորագրի ներքո։

Այս տարի հանգանակվել է աննախադեպ քիչ գումար՝ ժամը 4-ի դրությամբ մոտ 9.856.100 դոլար։

Հիշեցնենք, որ «Հեռուստամարաթոն-2018»-ի ընթացքում «Հայաստան» համահայկական հիմնադրամին նվիրաբերվել էր 11 մլն 109 հազար 633 դոլար:

2017 թ․ հեռուստամարաթոնի ընթացքում հավաքվել էր 12.505.456 մլն ԱՄՆ դոլար:

2016 թ․ հանգանակվել էր 15 428 777 ԱՄՆ դոլար։

Նշվում է, որ 22-րդ հեռուստամարաթոնի ընթացքում հավաքված գումարները փոխանցվելու են խմելու ջրի մատակարարման և արևային էներգիայի կիրառման ծրագրերի իրականացմանը Արցախում, ինչպես նաև Հայաստանի երեք մարզերում՝ Տավուշում, Լոռիում և Շիրակում։

Հեռուստամարաթոնի ժամանակ վարչապետ Նիկոլ Փաշինյանը մարտահրավեր է նետել երաժիշտ Սերժ Թանկյանին, ամերիկահայ հեռուստաաստղ Քիմ Քարդաշյանին և Reddit սոցիալական ցանցի համահիմնադիր Ալեքսիս Օհանյանին՝ կոչ անելով նրանց ամսական 10 հազար դրամ փոխանցել հիմնադրամին:

7or.am