Գայանե Ասլամազյանի նախկին ամուսինը կալանավորվել է 40 կգ կոկաին տեղափոխելու մեղադրանքով, վերջինիս քույրը ևս կալանավորված է

● Լրահոս

27.11.2019 ● 18:28

Գայանե Ասլամազյանի նախկին ամուսինը կալանավորվել է 40 կգ կոկաին տեղափոխելու մեղադրանքով, վերջինիս քույրը ևս կալանավորված է

Tert.am-ը գրում է․ դերասանուհի, հաղորդավարուհի Գայանե Ասլամազյանն այսօր առաջին անգամ խոսել է իր ամուսնալուծության մասին և ասել, որ նախկին ամուսինը՝ Ջիանի Օնչոն, գտնվում է կալանավայրում:

Գայանեն չի մանրամասնել, թե նախկին ամուսինն ինչու է կալանավորվել: Այս մասին հրապարակում գտանք ամերիկյան ktla.com կայքում: Հրապարակումն արվել է դեռևս սեպտեմբերի 13-ին:

Աղբյուր գրում է, որ Վարդգես Մարկոսյանը, որը ներկայանում է որպես Ջիանի Օնչո, Դեյվիդ Պետրոսով և Լարամ Նարմեն, ընդունել է 40 կգ կոկաին տեղափոխելու մեղադրանքը: Կոկաինը թաքցված է եղել կենցաղային իրերի մեջ: Նա դրանք ուղարկել է Ավստրալիա:

47-ամյա Վարդգես Մարկոսյանը խոստովանել է, որ 2014 թվականի մայիսից մինչև 2019 թվականի հունվար թմրամիջոցների ապօրինի շրջանառությամբ է զբաղվել: Նրա հանցակիցը եղել է քույրը՝ Իռեն Մարկոսյանը, որը ևս իրեն մեղավոր է ճանաչել:

Նրանք մեղադրվում են նաև 3,5 միլիոն դոլար լվանալու համար: Վարդգես Մարկոսյանը համաձայնել է իր քրոջ անունով պահված 234,442 դոլարը, որը ստացել են 2018 թվականի դեկտեմբերին, փոխանցել ԱՄՆ կառավարությունը: Քույրը՝ Իռեն Մարկոսյանը, ևս տվել է իր համաձայնությունը:

Իռեն Մարկոսյանին սպառնում է մինչև 20 տարվա ազատազրկում, Ջիանի Օնչոյին՝ ցմահ ազատազրկում:

● Այս խորագրի վերջին նյութերը

Ապարանում հրդեհ է բռնկվել ավտովերանորոգման կետերից մեկում կայանված «Mercedes»-ում

16.01.2026 ● 17:02

Ավտոմեքենայի սեփականատերը, ով Արագածոտնի մարզի բնակիչ 46-ամյա Տիգրան Հ.-ն է, բժշկական օգնություն ստանալու նպատակով դիմել է «Ապարան» բժշկական կենտրոն։

Գևորգ եպիսկոպոս Սարոյանը տարիներ շարունակ թեմում ծառայող հոգևորականներիս հանդեպ իրականացրել է հգևոր և հոգեբանական բռնաճնշումներ

16.01.2026 ● 16:34

Գևորգ եպս. Սարոյանը դատական հայց է ներկայացրել Մայր Աթոռ Սուրբ Էջմիածնի դեմ։

Ինչպես է Ալեն Սիմոնյանը ծախսում պարգևավճարը. Արեգնազ Մանուկյան (տեսանյութ)

16.01.2026 ● 16:20

Ալեն Սիմոնյանը, այսպես ասած, տժժում է: Ըստ լուրերի՝ նա Թայլանդում է անցկացրել իր հանգիստը՝ անկանոն պարային շարժումներ անելով դիսկոտեկում: Երբ այս լուրը համադրում ենք պատգամավորների՝ 3 միլիոն դրամ կամ մոտ 8 հազար դոլար պարգևավճար ստանալու լուրի հետ, ապա ստացվում է, որ Ալենը տժժացել է պետական բյուջեի հաշվին: Կամ էլ՝ կրկին Վիվառոյի իր ընկերների հաշվին է ինքնամոռաց տրվել պարային հանգստին: Հիշեցնենք, որ տարիներ առաջ էլ գերթանկարժեք Միկոնոսում էր Ալեն Սիմոնյանը՝ Փաշինյանի աներձագի հետ, տժժիկներ անում Վիվառոյի միջոցներով։ Ի դեպ, Ալեն Սիմոնյանը շտապել է շնորհակալություն հայտնել Թուրքիայի արտաքին գործերի նախարարին, այն բանի համար, որ նա աջակցում է Նիկոլ Փաշինյանին։ Իրականում, հենց սա՛ է Հայաստանի դեմ իրականացբող հիբրիդային պատերազմը։