Նոյեմբերի 20-ին՝ երեխաների իրավունքների համաշխարհային օրը, Բրյուսելում Եվրախորհրդարանի (ԵԽ) շենքի մոտ հավաքված բազմաթիվ ցուցարարներ բողոքել են Թուրքիայի բանտերում գտնվող մանկահասակ երեխաների իրավունքների ոտնահարումների դեմ:

Եվրոպայի տարբեր երկրներից եկած ցուցարարները պարզել են հետևյալ գրությամբ պաստառներ՝ «Թուրքիայի բանտերում գտնվող փոքրիկ երեխաները պետք է բաց թողնվեն»:

Բողոքի ակցիան կազմակերպվել է «Others» (կենտրոնը Բելգիա) «Human right Defenders» (կենտրոնը Գերմանիա) կազմակերպությունների կողմից:

«Human right Defenders»-ի ներկայացուցիչ Օղուզհան Ալբայրաքը, տեղեկացրել է, որ Թուրքիայի ազատազրկման վայրերում վերջին շրջանում արդեն 3 երեխա է մահացել:

Նշվում է, որ ակցիային զուգահեռ Եվրախորհրդարանի շենքում տեղի է ունեցել քննարկում՝ նվիրված ՄԱԿ-ի Երեխաների իրավունքների պաշտպանության կոնվենցիայի ստորագրման 30 ամյակին:

Աղբյուրը՝ ermenihaber.am