«Քրեական աշխարհի մասին օրենքը մահակ է. այն բացում է իշխանության՝ առանց այդ էլ բաց ձեռքերը». Գուրգեն Եղիազարյան (տեսանյութ)

● Հարցազրույց

21.11.2019 ● 10:15

«Քրեական աշխարհի մասին օրենքը մահակ է. այն բացում է իշխանության՝ առանց այդ էլ բաց ձեռքերը». Գուրգեն Եղիազարյան (տեսանյութ)

«Համահայկական հայություն» հասարակական կազմակերպության հիմնադիր, ԱԱԾ նախկին տնօրենի տեղակալ Գուրգեն Եղիազարյանի համոզմամբ՝ քրեական հեղինակությունների համար Ազգային ժողովում առաջին ընթերցմամբ ընդունված օրենքի նախագիծը Հայաստանում չի կարող աշխատել։

«Սա ես համարում եմ մահակ մի մարդու ձեռքին, որն իրեն կառավարել չի կարողանում։ Օրենքով գողերի հետ կապված խնդիրը, այո՛, մտահոգիչ է, բայց օրենքը չի կարող աշխատել, և ես հասկանում եմ ԲՀԿ-ին և ԼՀԿ-ին, որոնք այդպես քվեարկեցին այս նախագծին. սա բաց է անում իշխանության՝ առանց այն էլ բաց ձեռքերը՝ տարբեր մարդկանց հասնելու համար։ Ստացվելու է, որ մի մարդ, որն ունի այդ տիտղոսը, բայց քայլ չի արել, ազատ է, իսկ մյուսը, որը քայլ է արել, պետք է ենթարկվի իր (նկատի ունի Նիկոլ Փաշինյանին,- Ա.Ս.) կամքին, և նրան կուղղորդեն այնտեղ, որտեղ պետք է. հասկացա՞ք, թե ուր է տանում այս նախագիծը, երբ դառնա օրենք, որն անպայման կդառնա»,- ասաց Գուրգեն Եղիազարյանը։

Վերջինիս խոսքով՝ հիմնավորված չեն այն պնդումները, թե Վրաստանում նմանատիպ օրենք է ընդունվել, և քրեական աշխարհում այս օրենքով վրացիները հասել են հաջողության, հետևաբար՝ Հայաստանում ևս այն նման արդյունք կարձանագրի։

«Համեմատության համար բերեմ մի վիճակագրություն. Օրինակ, միայն Քութաիս քաղաքում կար 262 օրենքով գող, իսկ Հայաստանում նրանք երեք տասնյակ են ընդամենը։ Վրաստանում այդ օրենքով գողերը պետության համար դարձել էին անկառավարելի, ուստի որոշվեց՝ եթե չեն կարողանում կառավարեն, պետք է վերահսկեն, և ընդունվեց օրենք, իհարկե, դրանից հետո զազրելի բաներ տեղի ունեցան, գաղութներում խայռտառակ վիճակ էր։ Արդյոք Հայաստանում կգտնվի՞ մեկը, որը օրենքով գողերի հետ կանի այն, ինչ արեցին Վրաստանում. չէ՞ որ այդ օրենքի ընդունումից հետո մենք ազատազրկման վայրերում ունենալու ենք նման լուրջ խնդիրներ. իսկ արդյոք այս իշխանությունը կարողանալո՞ւ է այդ խնդիրները լուծել, ես խիստ կասկածում եմ»,- ասաց Եղիազարյանը։

Գուրգեն Եղիազարյանն անդրադարձավ նաև այս նախագծին առաջին ընթերցմամբ դեմ քվեարկած «Բարգավաճ Հայաստան» խմբակցությանը և նշեց, որ հավանական է համարում, որ ԲՀԿ-ն սկսի հակաիշխանական գործընթաց։

«Երբ ժողովուրդը կզզվի, միանշանակ, պետք է ԲՀԿ-ն նման գործընթաց սկսի»,- ասաց Եղիազարյանը։

Իշխանության ղեկավարի դեմ գործընթաց սկսելու սցենարը Գուրգեն Եղիազարյանը չբացառեց նաև Ազգային անվտանգության ծառայության և ոստիկանության պարագայում։

«Փաշինյանը չի կողմնորոշվում՝ ինչ անի. նա շատ վատ վիճակում է գտնվում, նա լրջագույն խնդիր ունի այս պաշտոններին նշանակելու հարցում՝ կադրերի առումով։ Եթե շտապեց կադրեր նշանակել այս անկայուն իրավիճակում, քանի որ մասնագետներ են այդ ԺՊ-ները, կարող են սիտուացիան պահել կառավարելի, իսկ երբ գա այդ 25 տարեկանը, այն ժամանակ կտեսնեն, թե ինչի կվերածվի ԱԱԾ-ն և Ոստիկանությունը։ ԱԱԾ-ի մատիկները դրված են երկրի զարկերակի վրա, և նրանցից լավ որևէ մեկը չի պատկերացնում, թե ինչ է կատարվում երկրում»։

Հարցին՝ եթե ժամանակավոր պաշտոնակատարներին Փաշինյանը փոխի, հավանակա՞ն է, որ ԱԱԾ-ն և ոստիկանությունն ընդդեմ Փաշինյանի գործընթաց սկսեն, Եղիազարյանը պատասխանեց. «Իհարկե, ես եղել եմ երկու անգամ պաշտոնի և տեսել եմ, թե ինչպես են մարդիկ 180 աստիճանով շուռ եկել»։

Աղբյուրը՝ 168.am

● Այս խորագրի վերջին նյութերը

Եթե ՔՊ-ն փորձի անտեսել քաղաքացիների ստորոգրությունը, «Մայր Հայաստանը» կնախաձեռնի հանրաքվե․ Արշակ Սարգսյան (տեսանյութ)

16.11.2024 ● 15:01

Երևանի ավագանու «Մայր Հայաստան» խմբակցության անդամ Արշակ Սարգսյանը խոսել է Երևանի տրանսպոտի թանկացման խնդրի, ավագանու «Մայր Հայաստան» խմբակցության կողմից մշակված նախագծի, ստորագրահավաքի մասին։

Գյումրիում ուզում են անել իշխանագողություն, դրածոյի նշանակում․ գյումրեցիները պետք է որոշեն իրենց ճակատագիրը․ Անդրանիկ Թևանյան (տեսանյութ)

16.11.2024 ● 07:40

Երևանում՝ թալան, Գյումրիում՝ իշխանագողություն։

Տրանսպորտի թանկացման որոշման պատճառով տուժելու են նաև մարզաբնակները (տեսանյութ)

15.11.2024 ● 21:13

Երևանի ավագանու «Մայր Հայաստան» խմբակցության անդամ Գևորգ Ստեփանյանն անդրադարձել է տրանսպորտի թանկացման վերաբերյալ իշխանության որոշմանը։

Հայաստանը կարող է այնպես խաղալ, որ ընդհանրապես մնա առանց էլեկտրաէներգիայի․ Անդրեյ Լիստովսկի (տեսանյութ)

15.11.2024 ● 10:35

Այն վտանգ է պարունակում, այդ թվում՝ Հայաստանի էներգաանվտանգության համար։

Դեմագոգ թալանչիներ են, տրանսպորտի ուղեվարձը 100 դրամից ավելի չի կարող լինել. Անդրանիկ Թևանյան (տեսանյութ)

15.11.2024 ● 08:24

Երևանի իշխանությունների կողմից տրանսպորտի ուղեվարձի թանկացումն անհիմն է ու չպետք է 100 դրամից ավելի լինի:

Հերիք է Ռուսաստանը լվա ձեռքերը՝ օրերի ընթացքում Հայաստան չի լինի. Երվանդ Բոզոյան (տեսանյութ)

13.11.2024 ● 10:41

Շավարշ Գեւորգյանի հյուրն է քաղաքագետ, «Մայր Հայաստան» շարժման նախաձեռնող խմբի անդամ Երվանդ Բոզոյանը։

Երգչուհի Արմինե Գրիգորյանը միացել է տրանսպորտի թանկացման դեմ ստորագրահավաքին (տեսանյութ)

Քաղաքացիները տոտալ դեմ են տրանսպորտի թանկացման իշխանության նախագծին (լուսանկար)

Փաստորեն, Երևանում դեռ գազելներ կան (տեսանյութ)

● Հարցազրույց