Նժդեհի հուշատախտակը ներկելու դեպքն ուսումնասիրում են քննչական մարմինները. Զախարովա

● Աշխարհ

14.11.2019 ● 20:49

Նժդեհի հուշատախտակը ներկելու դեպքն ուսումնասիրում են քննչական մարմինները. Զախարովա

Ռուսաստանի Արմավիր քաղաքի հայկական եկեղեցում բակում տեղի ունեցած միջադեպի մասին տեղեկություն ստանալուց հետո քննչական մարմինները քննություն են սկսել։ Այս մասին ասել է Ռուսաստանի ԱԳՆ պաշտոնական ներկայացուցիչ Մարիա Զախարովան` այսօր կայացած ճեպազրույցում մեկնաբանելով եկեղեցու բակում կատարված վանդալիզմը։

Ավելի վաղ ԶԼՄ–ները հայտնել էին, որ Կրասնոդարի երկրամասի Արմավիր քաղաքի դումայի պատգամավոր Ալեքսեյ Վինոգրադովը սև ներկով ներկել է հայկական եկեղեցու բակում տեղադրված Գարեգին Նժդեհի հիշատակը հավերժացնող հուշատախտակը: Ավելի ուշ Ռուսաստանում Հայաստանի դեսպանատունը վրդովմունք է հայտնել միջադեպի կապակցությամբ։

Զախարովան հաստատել է, որ Ռուսաստանի ԱԳՆ–ը ստացել է Հայաստանի դեսպանատան հայտարարությունը։

«Կարող եմ ասել, որ Ռուսաստանի քննչական մարմինները քննություն են սկսել այդ միջադեպի հետ կապված»,–ասել է նա։

Հիշեցնենք, որ դեսպանատան հայտարարությունում նշվել է, որ Արմավիրում կատարվածը լուրջ մտահոգություն է առաջացրել ինչպես Հայաստանում, այնպես էլ Ռուսաստանում ապրող մեր հայրենակիցների շրջանում: Դիվանագիտական ներկայացուցչությունը վստահեցրել է, որ միջադեպը լինելու է դեսպանության ուշադրության կենտրոնում։

Աղբյուրը՝ armeniasputnik.am

● Այս խորագրի վերջին նյութերը

Մոսկվայում տղամարդը հեռախոսի պատճառով ընկել է մետրոյի ռելսերին

08.11.2024 ● 15:13

Անզգույշ ուղևորը բարեբախտար չի տուժել:

«Չելսի»-ն ջախջախիչ հաշվով պարտության մատնեց «Նոա»-ին (տեսանյութ)

08.11.2024 ● 08:18

«Չելսի»-«Նոա»` 8:0:

1-1,5 մլն դոլար. Sotheby’s-ը կպչուն ժապավենով պատին ամրացված բանանով ինստալյացիան աճուրդի կհանի

07.11.2024 ● 19:39

Բանանը գնել է 30 ցենտով. ավելի ուշ ինստալյացիան վաճառվել էր 120,000 դոլարով՝ միջազգային մամուլում բուռն քննարկումներ առաջացնելով ժամանակակից արվեստի ընկալման և արժևորման մասին: