ԱՄՆ–ը բլոգերներին և ինտերնետ–ակտիվիստներին աջակցելու համար 25 մլն դոլար կհատկացնի

● Լրահոս

16.02.2011 ● 11:31

ԱՄՆ–ը բլոգերներին և ինտերնետ–ակտիվիստներին աջակցելու համար 25 մլն դոլար կհատկացնի

ԱՄՆ–ը 2011թ. բռնատիրական երկրներում բլոգերներին և ինտերնետ–ակտիվիստներին աջակցելու նպատակով 25 մլն դոլար կհատկացնի։ Այս մասին հայտարարել է ԱՄՆ պետքարտուղար Հիլարի Քլինթոնը։ Բարաք Օբամայի վարչակազմը ինտերնետի քաղաքականապես ակտիվ գործիչներին աջակցություն է ցուցաբերելու այն երկրներում, որտեղ ոտնահարվում են քաղաքացիների իրավունքներն ու ազատությունները։

Հիլարի Քլինթոնի խոսքերով՝ սոցիալական ցանցերը, ինչպիսին «Twitter»–ն ու «Facebook»–ն են, մարդկանց ինքնաարտահայտման հնարավորություն են տալիս։ Պետքարտուղարի կարծիքով՝ աճող և սոցիալապես գործուն ինտերնետ–հանրության համար հետդարձի ճանապարհ չկա։

Հ. Քլինթոնը հայտնել է նաև, որ այս տարի ԱՄՆ պետքարտուղարությունը ռուսերենով «Twitter» միկրոբլոգ է բացելու։

–Անցած շաբաթ, ինչպես դուք հավանաբար լսել եք, մենք «Twitter»–ում միկրոբլոգներ ենք բացել արաբերենով և ֆարսի լեզվով՝ ավելացնելով դրանք արդեն իսկ գոյություն ունեցող ֆրանսերենով և իսպաներենով միկրոբլոգներին։ Մենք միկրոբլոգներ կթողարկենք նաև չինարենով, ռուսերենով և հինդի լեզվով։ Դա մեզ հնարավորություն կտա իրական ժամանակում երկխոսություն սկսել մարդկանց հետ՝ օգտագործելով կապի այնպիսի միջոցներ, որոնք այդ կառավարությունները չեն արգելափակում,–ասել է Հիլարի Քլինթոնը։

Նա նշել է, որ աշխարհի առաջնորդներն ընտրություն ունեն.

–Կա՛մ նրանք թույլ են տալիս, որ ինտերնետը հանգիստ տարածվի իրենց երկրներում և իրենց վրա են վերցնում քաղաքական իրավունքի ու ազատության հարցերում մարդկանց պահանջների բարձրացման ռիսկերը, կա՛մ սահմանափակում են ինտերնետը, ճնշում են ինտերնետի ընձեռած ազատությունները և կանգնում են սոցիալական ցանցերից ստացվող տնտեսական ու սոցիալական առավելությունները կորցնելու վտանգի առաջ։

● Այս խորագրի վերջին նյութերը

Դեսպան Լիլիթ Մակունցի եղբոր ընկերությունը դարձյալ ապօրինի ավազ է արդյունահանել

14.11.2024 ● 16:43

«Իկս Ֆարմինգ» ՍՊԸ-ի գյուղնշանակության հողատարածքից դարձյալ ապօրինի ավազ է արդյունահանվել:

Դեմ ենք քաղաքային տրանսպորտի մինչև 300 դրամ թանկացմանը․ միացիր, որ փոխենք (տեսանյութ)

14.11.2024 ● 16:30

Ո՛չ տրանսպորտի թանկացմանը։

Խաչմերուկը փակ է․ Նիկոլ Փաշինյանի ավտոշարասյունն է անցնում

14.11.2024 ● 15:46

Խաչմերուկը փակ է․ Նիկոլ Փաշինյանի ավտոշարասյունն է անցնում։

Ադրբեջանը և Թուրքիան համատեղ ռազմածովային զորավարժություններ կանցկացնեն

14.11.2024 ● 15:38

Զորավարժությունները տեղի կունենան նոյեմբերի 18-ից 29-ը Միջերկրական ծովում՝ Մուղլա նահանգի Ակսազ շրջանի ափերի մոտ։

Երրորդ հանրապետության մեծագույն սխալը ձեզ իշխանություն տալն էր․ Խամոյանը՝ Փաշինյանին (տեսանյութ)

14.11.2024 ● 15:35

Դուք էս մարդկանց կոչ եք արել գնալ կռվել, նրանց մի մասն էլ զոհվել է, հետո հայտարարել եք, որ էն գլխից մենք պարտված էինք, արդյունքը նույնն էր լինելու՝ միայն առանց զոհվելու։