«Վեոլիա Ջրի» հայտի հետ կապված արդեն իսկ կարող եմ ասել, որ եղած սակագինը կվերահաստատվի, որևէ բարձրացում չի լինի, նույն 180 դրամ սակագինը կվերահաստատվի: Այս մասին լրագրողների հետ զրույցում հայտարարեց Հանրային ծառայությունները կարգավորող հանձնաժողովի նախագահ Գարեգին Բաղրամյանը:

Նա նշեց, որ այսօր գործող սակագինը 191 դրամ է, սակայն սուբսիդավորվում է պետության կողմից: Նրա խոսքով՝ հիմա հաստատվելու է 180 դրամ՝ առանց սուբսիդիայի: «Մեր հանձնաժողովի որոշմամբ՝ պետությունն այլևս այն սուբսիդավորելու խնդիր չունի, իսկ սպառողի ջրի սակագինը կմնա 180 դրամը»,-ասաց նա:

էլեկտրաէներգիայի մասով Բաղրամյանը նշեց, որ առաջին 10-15 օրում նոր պարզ կլինի, թե երբ կճշտվի 21 թվականի էլէներգիայի պահանջարկն ու արտադրության հաշվեկշիռը, ավելի առարկայական կարող են խոսել:

Ինչ վերաբերում է գազի սակագնին, Բաղրամյանն ասաց, որ այստեղ դեռևս նորություն չկա:

Բաղրամյանն ընդգծեց, որ շեշտվել է՝ գազի սակագինը հունվարի մեկից չի բարձրանա:

«Ուղղակի ընթացակարգային էլ հնարավոր չէ, որ հունվարի մեկից գազի սագինը բարձրանա, որովհետև եթե լինում էլ է հայտ կամ սակագնի վերանայում, այն ունի օրենքով նախատեսված հայտի ուսումնասիրության համար որոշակի ժամկետ և ցանկացած դեքում, երբ հանձնաժողովը որոշում է կայացնում սակագների վերաբերյալ, դրանք ուժի մեջ են մտնում 30 օր հետո»,-ասաց նա:

Բաղրամյանը շեշտեց, որ օրենքների առումով էլ հնարավոր չէ, որ հունվարի մեկից գինը փոփոխվի:

«Մենք բավական երկար ժամկետային առաջարկ ենք արել սակագնի, և դա հիմա քննարկման փուլում է: Այդ առաջարկների մեջ ձմռան ամիսների սակագնի բարձրացման մասին խոսք չկա, իսկ հետո կարևա, թե բանակցությունների արդյունքում ինչի կգանք»,-ասաց Գարեգին Բաղրամյանը:

Աղբյուրը՝ tert.am